Naatitat ooqanngitsut tysklandimeersut pinaveersaakkit
Nunatsinni uumasut nakorsaata Danmarkimi pisortat mianersoqqussutaanut assigusumik tomatit, agurkit salatillu Tysklandimeersut maanna mianersoqqussutigilerpaat
Mianersoqqussutip tunuliaqutaa tassaavoq Tysklandimi atuisartut arlaqartut Danmarkimilu atuisartut 10 missaaniittut napparsimalersimammata, qularnanngitsumik naatitartornerup kingunerisaanik.
Danmarkimi Statens Serumistitutip nalunaarusiaa naapertorlugu naatitat bakteerissanik e-colinik naliginnaanngitsunik akoqalersimasut inuit napparsimassutigisalersimavaat. Taakku bakteerissat imermik kuuttitsivigiinnarlugit piiarneqarsinnaanngillat, qalaanneqarpatali ulorianaataarutissapput. Bakteerissanik eqqugaasimagaanni taava timminnermik, aattalimmilluunniit timminnermik nappaateqalertoqarsinnaavoq tartullu suliunnaarneranik kinguneqarsinnaalluni.
Uumasut nakorsaata nunatsinni pisiniarfiit nappaatip ulorianaataanik paasissutissanik nassiussuivigereersimavaat.
- Sulili naatitaq pisiarisimasaq ilumut Tysklandimeernersoq nalornissutigigaanni pisiffigisimasaq attavigisariaqassaaq, taama Aalisarnermut, Piniarnermut Nunalerinermullu naalakkersuisoqarfiup tusagassiutinut nalunaarusiaanni allassimasoqarpoq.