Skip to main content

Piitsut aatsaat taama amerlatigisut ferialernerminni ikioqqupput

Ilaqutariit atugarliortut aatsaat taama amerlatigisut feeriarniartillutik tapeqqullutik qinnuteqartalersimasut Dansk Folkehjælpip maluginiarpaa

Qaammatini tullinnguuttuni danskerpassuit aasami feeriarlutik aallaraleruttorneranni ilaqutariit atugarliortut aatsaat taama amerlatigisut angerlarsimaannassapput.

Dansk Folkehjælp tassaavoq ilaqutariit atugarliortunik feeriartitsisartut, ukiorlumi manna ikioqqullutik qinnuteqartut amerlassusaat siornamut naleqqiullugu marloriaatingorsimavoq, taama Dansk Folkehjælpermiut tusagassiutinut nalunaaruteqarput.

Taamaammat ilaqutariippassuit qinnuteqartut itigartinneqartariaqassapput, taama Klaus Nørlem, Dansk Folkehjælpimi allataanerusoq oqarpoq:

- Eqqugaanerpaajusussat tassaapput meeqqat, taakkumi angerlarsimaannassapput, massa atuaqataat ikinngutaallu ilaquttatik ilagalugit feeriarlutik aallarartorsuusut, Klaus Nørlem oqarpoq.

Siorna qinnuteqartut 52 procentinik amerleriarput, siulianilu qinnuteqartut 25 procentinik amerleriarsimallutik.
Tassa Danmarkimi ilaqutariit atugarliortut amerliartuinnarmata qinnuteqartartut aamma amerliartuinnavipput, taama Klaus Nørlem oqarpoq.

- Naak ilaqutariit amerlanerusut neqeroorutigisartagarput ilikkaraluaraat taamatut qinnuteqartartut amerleriapiloorneri ilaqutariit atugarliortut siornamut naleqqiullugit amerleriapiloorsimanerinik aallaaveqartoq qularisassaanngilaq, ineriartornerlumi taamaatsillugu ilungersuumminarpoq, taama Klaus Nørlem oqarpoq.

Ilaqutariit feriartussat amerlineqarsimapput

Feeriarnissamut ikioqqullutik qinnuteqartartut amerleriapiloorniariartut Dansk Folkehjælpip ilaqutariit amerlanerit neqerooruteqarfigisinnaanngoraluarpaat, taamaattorli neqeroorutigisinnaasavut malinnaasinnaanngillat, taama Klaus Nørlem oqarpoq.

Dansk Folkehjælp ukioq manna inuit 2800-t feriarnissaanik ikiorserpaat, aningaasallu ilaatigut katersuiniarnernit kiisalu Tips og Lotto-p aningaasaateqarfianiit pissarsiarineqarsimallutik.

Feeriarniarluni qinnuteqartarnerit kommunit inunnik isumaginnittoqarfii aqqutigalugit ingerlanneqartarput. Qinnuteqartartut kisermaajugajuttarput, pilersuisut akissakinnerusut, ilaqutariit atugarliortut, meeqqat atugarliortut, qimaasut ilaqutariit kiisalu kalaallit pilersuisut Danmarkimut nuunnerit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER