Skip to main content

Nunatsinni sumiiffiit timmisartorfioqqusaanngitsut maanna pingasunngorput

Sumiiffiit annikitsut nunatta silaannaqarfianiittut 6 kilometerinik pukkinnerusumiittut ullumi nal. 14.00 UTC-miit 18.00 UTC-p tungaanut timmisartorfioqqusaajunnaarsimapput

Taama Naviair paasissutissiivoq.

Innermik anitsisartup arsakuisa siaruaakkiartornerata silasiortut nunatta silaannartaanut ilimasaarutaa imatut isikkoqalerpoq:

Sumiiffiit annikitsut pingasut nunatta silaanaaniittut 6 kilometerinillu pukkinnerusumiittu ullumi pingasunngornermi nal. 14.00-imiit nal. 18.00 UTC-p tungaanut timmisartorfioqqusaajunnaarput.

Tunumi: Constable Pyntip kujataatungaaniit avannaatungaata tungaanut.

Kitaani: Sumiiffik annikitsoq FIR-ip killeqarfianiit Aasiaat, Ilulissat Qaarsullu akornanni.

Avannaatungaani: Imaani sumiiffik annikitsoq FIR-ip killeqarfiata teqeqquaniit norskit islandimiullu silaannaata tungaanut.

FIR "Flight Information Region"-imut naalisaataavoq tassaallunilu nunap assigani sumiiffik timmisartortartunullu paasissutissiinermi atorneqartartoq.

- Nunatta kangianiit kitaata tungaanut sumiiffik annertooq annikitsuinnarmik arsakoqarmat immikkut akuersissuteqartillugu timmiffiusinnaavoq. Tassalu  pingasunngornermi nal. 10.00 UTC-miit nal. 18.00 UTC-mut atuuttussatut Naviair-ip taggillugu. Naviair 2001-imi naalagaaffiup timmisartunut sullissivianiit (SLV)-miit avissaarpoq naalagaaffiullu ataaniilluni namminersortutut suliffeqarfinngorsimalluni.

Kitaani nalunaaqutaq tassaavoq UTC minus 2, danskillu nalunaaqutaat tassaalluni UTC plus 2.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER