KL

DK

Uuliamut tunngasunik sissuinnginnersuaq Greenpeacermiut nittarsaappaat

Tuluit naalakkersuisuinut nalunaarusiami isertuussami issittumi uuliarluernissap ulorianarluinnartuuneranik naliliisimaneq paasinarsisorlu umiarsuaq qilleriviusartoq Leiv Eiriksson nunatta kujataatungaaniittoq Greenpeacep umiarsuisa marluusut nakkutigiartorpaat

Grenpeace skibet Esperanza har været på jagt efter olieboreplatformen Leiv Eiriksson. Esperanza fandt platformen mandag aften sammen med inspektiosnskibet Vædderen, der eskorterer platformen. Foto: Greenpeace
Arctic Sunrise er også i Grønland for at holde øje med olieboringerne, der beskyttes af den danske flåde. Foto: Greenpeace
Grenpeace skibet Esperanza har været på jagt efter olieboreplatformen Leiv Eiriksson. Esperanza fandt platformen mandag aften sammen med inspektiosnskibet Vædderen, der eskorterer platformen. Foto: Greenpeace Arctic Sunrise er også i Grønland for at holde øje med olieboringerne, der beskyttes af den danske flåde. Foto: Greenpeace GreenpeaceGrenpeace skibet Esperanza har været på jagt efter olieboreplatformen Leiv Eiriksson. Esperanza fandt platformen mandag aften sammen med inspektiosnskibet Vædderen, der eskorterer platformen. Foto: Greenpeace Arctic Sunrise er også i Grønland for at holde øje med olieboringerne, der beskyttes af den danske flåde. Foto: Greenpeace GreenpeaceGrenpeace skibet Esperanza har været på jagt efter olieboreplatformen Leiv Eiriksson. Esperanza fandt platformen mandag aften sammen med inspektiosnskibet Vædderen, der eskorterer platformen. Foto: Greenpeace Arctic Sunrise er også i Grønland for at holde øje med olieboringerne, der beskyttes af den danske flåde. Foto: Greenpeace Greenpeace
Redaktionen

Taama avatagiisinik illersuiniaqatigiiffiup quppersakkamini paasissutissiipput.

Issittumi qillerisarnerup ulorianarnera peqqutaalluni Canadamiut Amerikamiullu qillerinissartik unitsissimassaqqaaraat Norgemiullu sikulimmi qillerisoqarnissaanik naaggaarluinnassaqqaartut Cairn Energy-miut itinerusumi, avannarpasinnerusumi ukiuunerusumilu siornarnit qillerinialikkersaalersimavoq.

- Mingutsitsinermut, ulorianarsinnaasunut tamanullu ammasuunissamik isumamut Cairnermiut piviusorsiorpalunngitsumik periuseqarput, taama Greenpeacemi silap pissusaanut tunngasunik suliaqartup paasissutissiiniarnermilu qullersaasoq Jon Burgwald oqaaseqarpoq.

- Assersuutigalugu kemikaliat ulorianarnerpaat aappaluttunik ilisarnaatillit Cairnermiut qillerinermi ataatsimi immamut kuutsinniagaat norgemiut qallunaallu ukioq naallugu imaanut kuutsittagaat qaangerlugu annertussuseqarpoq. Aamma uulia aniatinneqartuussagaluarpat qanoq piiarneqassanersoq, sikumullu uulia tulassagaluarpat uuliarluernissamulluunniit qanoq periusissaqassanersut Cairnermiut isummerfigiumanngilaat. Naatsumik oqaatigalugu: Ajutoortoqassagaluarpat Kalaallit Nunaat annariarfissaqanngilaq. Taama Jon Burgwald naliliivoq.

Tuluit naalakkersuisui taamatorluinnaq naliliisimapput, tamanna nalunaarusiani Greenpeacermiut maanna takorusuligaanni atuarneqarsinnaavoq.

Tuluit silap pissusaanut- nukissiornermullu ministeriannut Chris Huhnep atorfilittaasa emailerutigisimasaanni ima allassimasoqarpoq: "Sumiiffinni taakkunani mingutsitsisoqassagaluarpat ikiortissaalatsinassaaq, allaammi saliinissaq ajornaviusavissalluni."

Aamma issittumi uuliasiorluni qillerinissamut tunngasumik nalunaarusiami allami teknologiit sullisseriaatsillu misilerarneqarsimannginneri taakkartorneqarput.

Tuluit naalakkersuisuisa atorfilittaasa nalunaarusiaanni ima paasissutissiisoqarsimavoq: "Issittumi uulia aniatinneqartuussagaluarpat kingunerisinnaasai sualunnerussapput, tamaanimi issinneruvoq ukiukkullu seqineq nuissaartaarmat bakterissat uuliatortartut arriinnerusumik nerisalersarput (Bakteerissat Deepwater Horizon-imi uulia aniasoq nerilluarmassuk iluaqutaasimaqimmata). Issittumi avatagiisit sanngiittuararsuupput uuliamillu aniatitsisoqassagaluarpat suna tamarmi arriinnerusumik pissaaq Mexicollu kangerliumarngani akiuunnermiit ilungersunarnerussalluni, tassami uuliamik aniasoortoqassagaluarpat tamanna avinngarusimasumi pissammat issileruttorneranilu qanoriliuuseqarnissaq ajornakusoornerussalluni."

- Cairnermiut akisussaaffeqarpasinnatik suleriaaseqarput. Allaammi tuluit naalakkersuisui, Obamap uuliarluernermut ataatsimiititaliaa, ilami allat issittumi uuliasiornissap ulorianangaarmat qillereqqusinngikkaluit Cairnermiut tusaaniarsarinngilaat, taama Jon Burgwald oqarpoq nangillunilu:

- Cairnikkormiut matoqqalluinnarlutik qisuariartarput nalunaarusiallu pingaarutillit uuliasiortoqartillugu pinngitsooratik saqqumisussaagaluit saqqummiukkusunngilaat. Taamaammat Cairnermiut Kalaallit Nunaannut aseruisinnaasumik pissusipalaalersortut nunarsuarmiunit nakkutigeqqissaarneqartariaqarput.

Umiarsuup Arctic Sunrisep qarasaasiakkut toqqaannartumik assiliissutaa uani iserfigisinnaavat: http://www.greenpeace.org/international/en/multimedia/ship-webcams/Arctic-Sunrise-Webcam/

Greenpeacermiut quppersagaanni tuluttut allassimasumi Esperanzap qillerivissuaq 53.000 tonsinik angissusilik Leiv Eiriksson maanna malinnaaviginerarpaat. Greenpeacermiummi ujaasereerlutillu ippassaq unnukkaa Kalaallit Nunaanniit 200 sømilinik kippasinnerusumiittumiittoq nassaarisimavaat, unnialu umiarsuup alapernaarsuutip ingialloraa. Greenpeacekkormiulli alapernaarsuutip sorliup Leiv Eiriksson ingiallorneraa oqaatigisimanngilaat.

Greenpeacellumi ilanngutassiaa imatut qulequtaqarpoq : ARCTIC STAND-OFF: GREENPEACE SHIPS CONFRONT WORLD’S MOST CONTROVERSIAL OIL RIG

Greenland, 24th May 2011– Two Greenpeace ships are in a tense stand-off with Danish navy commandos protecting an oil drilling operation in the freezing seas off Greenland.

Tuluttut allassimanera tamarmi uani atuarsinaavat: www.greenpeace.org.uk/media/press-releases/arctic-stand-greenpeace-ships-confront-world’s-most-controversial-oil-rig-20110524

silap pissusaa avatangiisillu nunatsinnit politikki inuussutissarsiutit
Powered by Labrador CMS