Uuliasiortut qillerinerannut akerliussutsimik takutitsisut
Kalaallit Danmarkimiittut ualeru Københavnimi Den Nordatlantiske Bryggemi akerliussutsimik takutitsinissamut qaaqqusipput
Cairn Energy-p itisuumi uuliasiorniarnera kattuffinnit assigiinngitsuniit taamaallaat sakkortuumik akerlerineqanngilaq. Isumannaallisaanerup amigaateqarnissaa issittumilu avatangiisit mingutsinneqarsinnaanerat pillugu, Den Nordatlantiske Brygge-mi Kalaallit aallartitaqarfiata silataani ualeru akerliussutsimik takutitsinissamut kalaallit ilaat qaaqqusipput.
- Kalaallit Nunaanni uuliasiortut qillerinissaannut pissutsit ineriartornerat arlaqarluta isumakulunnartipparput. Kalaallit politikeriisa ineriartortitsinerminni aalajangiinginnerminni innuttanik tusarniaasannginerat qatsupparput. Aalajangiinerit inuiaqatigiinnut, pinngortitamut uumasunullu kinguneqapilussinnaasut, akerliuniarnermik aaqqissuisut ilaat, Sanne Broberg oqarpoq, Kalaallit Nunaata imartaani itisuumi qillerisoqarniarnerani isumannaallisaanerup isornartorsiorneqarnera tikkuarlugu.
Akerliussutsimik takutitsinermi oqalugiartoqassaaq, guitarertoqassallunilu tivasoqassaaq, aammagooq kaageqassaaq. Akerliussutsimik takutsitsinissaq nalunaaqutaq pingasunut aallartittussaq politiinit akuerineqareerpoq.
Nutserisoq Ulf Fleischer