Skip to main content

Alcoa

- Aalajangiinissatsinnut tunngavissaqarlualerutta aatsaat inaarutaasumik aalajangiissaagut, Inatsisartuni ilaasortaq IA-milu siulittaassup tullia, Juliane Henningsen isumaqarpoq

 

Kattuffiit kommuninilu aalajangiisartut tuavisaaringaluartut, Inuit Ataqatigiit isumaqanngillat Kalaallit Nunaanni aluminiumik aatsitsiveqalernissamut atatillugu aalajangiinissat siuartinneqarsinnaanngitsut. Inatsisartunut ilaasortaq IA-milu siulittaasup tullia, Juliane Henningsen, tusagassiuutinut nalunaarummini taamatut allappoq.

- Oqallinnissamut aalajangiinissamulluunniit tunngaviusinnaasunik suli Inatsisartuni takusaqarnikuunngilagut. Suliariniakkamut taama pingaaruteqartigisumut aalajangiinissamut tungavissanik amigaateqartilluta aalajangiiniarsarissanngilagut, Juliane Henningsen oqarpoq, nangillunilu oqaatigalugu ukiaq 2010-mi suliariniakkamut atatillugu nalunaarusiaagallartoq aallaavigalugu Inatsisartuni oqallissimallutik.

- Suliariniakkatut taassumatut annertutigisumik Kalaallit Nunaanni takusaqarnikuunngisaannarpugut, Maniitsumuinnaanngitsiorlu Nunatsinnulli tamanut, isumaginninnikkut, kulturikkut kiisalu politikkikkut annertoorujussuarmik sunniisussaavoq.

- Misissuisoqaqattaarsimagaluartoq sukumiisumik nalilersuinerit toqqammavissat aatsitsiviliornissamullu atatillugu suli misissugassat amigaataanerat eqqumiigineqarsinnaavoq.

- Aalajangigassat taama annertutigisunik sunniuteqartussat pillugit aalajangiinikkut, innuttaasut sinnerlugit Inatsisartuni Naalakkersuisunilu ilaasortat pituttuisussaaput.

- Innuttaasut sinnerlugit aalajangiisoqassatillugu pingaaruteqarluinnarpoq, aalajangeeqataasussat ataasiakkaarlutik tamarmik iluaqutissanut, ajoqutaasinnaasunut kiisalu suliariniakkamut atatillugu pissutsit eqqumaffigineqartariaqartut ilisimaarilluassallugit.

- Inuit Ataqatigiinni isumaqarpugut, tamakkiisumik paasissutissat amerlanerusut amigaatigalutigit, suliariniakkammi naggataarutaasumik aalajangiiffiginissaa qanilliartuinarpoq.

Suliariniagaq ataatsimut isigalugu oqallinermi qitiusumik apeqqutit tassaasut: 
• Piginnittuuneq ilusilersorneqareerpat aatssaat imminut akilersinnaanerata takuneqarsinnaalissaaq. 
• Suliarinneriaaseq akikinneq atoraanni imminut akilersinnaanera malunnaatilimmik annertusissaaq. 
• Imminut akilersinnaaneara annertusissaaq, sulisut amerlanersaat Kina-miit Asia-miillu tikisinneqarlutik Nunatsinni akigititaasut inorlugit akilerneqartalerpata. 
Inuit Ataqatigiit isertuuterusunngilaat, qalluinissanut akuersissuteqartarneq naapertorlugu piginneqataariaaseq aalajangerneqassappat iluarinerussagatsigu.

Oqaatigineqareersutut apeqquterpassuit suli akissutissarsineqanngillat sukumiisumillu oqallinnisssaq suli pisariaqartinneqarluni. Naalakkersuisut ALCOA-lu suli sukumiisumik naatsorsugasssaqaqaat. Aalajangiiartuaarneq pingasunut immikkoortitaarneqarsimavoq, maannakkullu naggataarutaasumik isumaqatigiissuteqartinnata alloriarnerit aappaat aalajangiiffigisussaavarput. Inerniliutaasumillu aalajangiisoqartinnagu makkua eqqarsaatigilluarneqarnissaat innersuussutigissavarput:

• Inuit peqqissusaasa kiisalu uumasut pingortitallu sunnerneqartussaanerannut tunngasut sukumiisumik misissorneqarnissaat. 
• Aningaasatigut naatsorsueqqissaarnerit naammassippata aatsaat politikkikkut aalajangiisoqassaaq. 
• Tunisassiorferujussuit suleqatigitillugit, inuit pisinaatitaaffiisa ataqqineqarnissaannut tunngasut pillugit nunani allani misilittakkat alapernaattariaqarput.

-Misissuinerilli inatsisit naapertorlugit piumasaqaataasut naammassineqartinnagit, oqallissisilersinnaanngilagut, Juliane Henningsen naqissusiivoq.

 

 

Nutserisoq Ulf Fleischer 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER