Skip to main content

Kulusuup Nerlerillu Inaata akornanni silaannaq matoqqajuarsinnarpoq

Innermik anitsisartup arsakui sermersuup nalaanut periarpata kingorna kujammutkangimut ingerlaaqqilissangatinneqarpoq, tunulli sineriaata silaannartaa kisimi matoqqagallarpoq

Ilimasaarutit malissagaanni arsakut 6 kilometerinik qaffasissumiittut sermersuup nalaanut periarlutik kangimut Skotlandimut, Irlandimut, Tuluillu nunaannut unnuup unnuallu ingerlanerani saqissangatinneqalerpoq. Tunup sineriaa arsakunik suli sunnigaaqqavoq, massa kitaata sineriaani 6 kilometerinik qaffasinnerusoq angullugu silaannaq angallaviusinnaassaqqaartoq. Arsakunilli malinnaasut assilialiaat malillugu kitaani Qeqertarsuup tunuanut 6 kilometerinik qaffasinnerusumut nuissat arsakortarasaartut apuutereersimalerput. Assilialiaq Londonimi innermik anitsisartut arsakuinik nakkutilliisoqarfiup "Vulcanic Ash Advisory Center"-ip ilimasaarusiaraa.

Tassa silasiortut Islandimi innermik anitsisartup arsakuinisa paasissutissartai Vulcanic Ash Advisory Center-illu ilimasaarusiai malillugit nunatta silaannartaani timmisartuussisoqarsinnaanersoq aalajangerneqartarpoq, taama Naviair paasissutissiivoq.

Paasissutissallumi kingulliit malillugit tunup sineriaani arsakut kimmut, kujammut avannamullu siaruaakkiartulersimapput, taamaamat danskit timmisartornermut oqartussaqarfiata nunatta silaannaani timmisartoqqusiunnaarnerat sivitsorneqarsimalluni, taama Naviair tusagassiutinut nalunaarusiaanni allassimapput.

Taamaammat nunatta silaannaata ilaani 6 kilometeri ataallugu portutigisumi timmisartoqqusiunnaarneq unnukkut nal. 22.00 tungaanut atuukkallassaaq.

Nalunaaqutaq 22.00 pujoq arsakunik akulik Kulusummut apuutereersimalissaaq, tukimukannerlu avannamut kimmut ingerlaariarluni avannamut Nerlerit Inaannut apuutissangatinneqarluni.

Sumiiffinnik paasissutissat sukumiinerusut nutartikkat timmisartuussisoqatigiinnut timmisartoqarfinnullu NOTAM aqqutigalugu siammarneqartarput.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER