Skip to main content

Taratsut annikinnerit atulerukkit sivisunermik inuussaatit

Tarajunngersuuneq peqqinnissaqarfimmut ukiumut milliardilikkaanik aningaasartuutaasarpoq

Ullormut tre grammmiinnannguanik qallunaaq tarajortunnginnerulersuuppat toqusut 1300-nik ikileriassagaluarput.
Qallunaammi tarajunngersuunerisa aavisa naqitsinerannik qaffaasitsisarpoq, taamaasillutillu uummalluutinut, aqajaqqukkut kræfteqalernissamut, saarngit aqilinissaanut tartullu ujarattaninnissaanut qaninnerulertarlutik.

Tassa alussaateeraq affaannannguamik tarajortornikinneruleraanni peqqinnissaqarfiup ukiumut aningaasat atortagaat 1 - 2 millard koruuninik appariassagaluarput.

Maanna suliffeqarfissuit, kattuffiit susassareqatigiit, inuussutissanillu ministeriaqarfiup suleqatigiillutik qallunaap ullormut tarajortugarisartagaa gramminik pingasunik appartinniarsarinialerpaat, ilaatigut nerisassanik tunisassiorfiit, kantiinat, neriniartarfiit angerlarsimaffiillu aqqutigalugut tamanna anguniarneqassalluni.

Nerisassanut tunngasunik siunnersuisoqaleraangat ilisimasallit assortuuttarnerat takornataanngeruttortoq taratsumut tunngasut nangaassutiginagu isumaqatigiissutigaat.

Annertugaluamilluunniit tarajortornikinneruleraanni uloriananngilaq. Tassami annikitsuinnaq timitta pisariaqartippaa. Inuit pinngortitamik inuussutillik grammi ataasiinnaq ullormut pisarpaat, tamannalu sunnguamilluunniit ajoqutineq ajorpaat. Taama ilisimatooq Lone Banke Rasmussen DTU-p inuussutissanik misissuisarfianeersoq oqaluttuarpoq.

Tarajoq ullormut pisartagatta 70-80 procentii nerisassat igariaannarneersuupput. Danskillu iffianngersuummata iffiaq qaqortunngersuummatalu qallersuutissat annertuut aamma nerisarpaat, taakkualumi taratsunik ulikkaavipput.

Paasitsitsiniaanissap siunertaa tassaavoq innuttaasut nerisassat igariaannaat tarajulerujussuit qaavatigut taratseqqikkaangamik ulorianartorsiulersinnaammata. Tarajortornikinnerulernissamullumi anguniagaqarnermi nerisassat qanoq tarajoqartigineqarneranik takussutissaqarluarnerulernissa pingaaruteqarpoq, tassalu Nøglehulsmærket atorneqalissaaq saniatigullumi EU aamma nutaanik maligassiuilersimalluni.

Aamma nerisassat piariikkat tarajulernikinnerulernissaanik nerisassanik tunisassiorfiit isumaqatigiinniarnissaat suliniutit pingaarutillit ilagaat.

- Inuussutissanik suliaqartut, uninngasut peqatigiiffii, Atuisut siunnersuisoqatigiivi allallu taamatut taratsumik atuinikinnerulernissamik anguniagaqarlutik suleqatigiinnissaat nuannaarutigaara, taama inuussutissanik ministeri Henrik Høegh (V) oqaluttuarpoq.

Nerisassanut tunngasunik susassareqatigiit siornatigut iluatsilluartumik suleqatigiittareerput, tassami aserortigaavallaanngitsunik (fuldkorn) nerisaqarnerunissamik kiisalu ullormut arfinileriarluni naatitanik nerisaqartarnissamik innersuussutit iluatsissimammata.
Qallunaat angutitaasa tarajoq ullormut 9-11 gramminik annertutigisoq nerisarpaat, massa arnartaasa 7-8 grammi nerissaqqaaraat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER