Skip to main content

Meeqqat arfinillit aliasuutiminnut ullut tamarluinnaasa ikioqqusarput

- Angajoqqaat toqusimagaangata napparsimaruluppataluunniit meeqqat inuusuttuaqqallu ikiorneqartarnerat annikippallaarsorinarpoq

Ataata anaanaluunniit toqugaangat - imaluunniit napparsimarulukkaangata - meeqqanut eqquinerlorujussuartarpoq.

Taama kattuffik Børn, Unge og Sorg - kalaallisuunngorlugu Meeqqat, Inuusuttut Aliasunnerlu - meeqqanit inuusuttuaqqanillu ullormut arfinileriarlutik saaffigineqartarmata paasinarsisimavoq, meeqqammi qanigisaminnik toqusooraangata napparsimaruluttooraangataluunniit aliasuttarput, kiserliortarlutik eqqugaanerluttaqalutillu.

Ukioq manna aallartimmat kattuffik "Børn, Unge og Sorg" aliasuttunik suliaqartartut allat marluk peqatigalugit kattummatali meeqqat inuusuttuaqqallu saaffiginnittartut marloriaatinngorsimapput.

Børn, Unge og Sorg-imit pisortap Preben Engelbrektip oqaaseqarnera malillugu meeqqat suli annertunermik innarlerneqarsinnaanerat ulorianaateqarnerarpaa, tassami qallunaat inersimasortaasa nappaatit toqulu oqaluuserissallugit paquminarimassuk.

- Ajornartorsiullumi alliartuinnavippoq, tassami uagut danskiusugut oqaluuserisassat ilungersunartut pikkorluffigiartuinnavikkattigit.

- Inuit nappaatinut toqumulluunniit tunngasunik eqqartuinissartik ersigilluinnartuuaat, sulilu ajorsiartuinnavilluni. Paqumisunnersuaq annertusiartuinnavippoq, taamaammallu meeqqat kiserliorlutik annikilliornissaat qaninnerulersimalluni.

Børn, Unge og Sorg-ip tarnip pissusaanik ilisimasalimmik neqerooruteqartarpoq namminerlu kajumissutsiminnik sullissisut aamma neqeroorutigisinnaalugit, tassalu taakku kisiartaallutik meeqqanik inuusuttuaqqanillu ikiorsiisartuupput.

- Ilannguakkului niaqulaalersorisarput. Ikinngutaasami paasisinnaasanngilaat, inersimasullu akunnerminniittut isumalluutaasinnaanatik, taama Preben Engelbrekt naggasiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER