Skip to main content

Timmisartortartut qasusut inuunernik akeqartareerput

Danmarkip ilaani timmisartoq 2001-imi nakkarmat inuit pingasut ajunaarput. Tamatumunngalu timmisartortartut qasusimanerat peqqutaasimavoq.

Timmisartortartut akornanni qasusarneq isumannaallisaanissamut ajoqutaanngilaq. Taama Trafikstyrelsermiut uteqattaarinnittuarput, poorskinngitsiartormi aviisi Politiken malillugu qallunaat timmisartortartui qasuallaarlutik timmitillutik kukkuluttorujussuartarsimasut saqqummiunneqaraluarpoq.

Politikenilli allaaserisaa malillugu inuit pingasut timmisartortillutik ajunaarnerat qasunermik - fatigue-mik timmisartortartutut taallugu - aallaaveqarsimasoq oqaatigineqarpoq.

Aggustip tallimaat 2001-imi ullaajungaa tyskit timmisartuusseqatigiiffiata Naske Air-ip timmisartuutaa assartuut nunatta kujataani qaqqaq aporpaa issimasuilu pingasut tamarmik ajunaarlutik.

Ajutoornerup paasiniarnerannit nalunaarusiaq maj 2002-meersoq tusagassiutinilu saqqummiunneqarsimanngisaannartoq malillugu ima allassimasoqarpoq:
"Timmisartup inuttaasa qasuallaarnertik eqeersimaarfiginngitsoorssimagunarpaat, allaammi kukkusunik aalajangiisimanermik, susoqarneranillu eqeersimaanngitsoornermik kinguneqarsimavoq, minniarsarinerigaluallu taamaasilluni ajunaarnermik kinguneqarsimalluni.

Martin Puggaard, Ajutoortoqarsimatillugu paasiniaasartut ittorisaata oqaasii naapertorlugit qasuallaarneq kisimi pisuusimanngilaq, tassami timmisartup gpws-ia - tassa timmisartoq nunamut qanillivallaaraangat mianersoqqusisartoq aamma atorsinnaasimanngimmat.

- Allatut oqaatigalugu fatigue - qasuallaarneq - kisimi ajunaarnermut peqqutaasimanngilaq. Taamaattoqarsimasuuppalli taassunga tunngasumik samminninnerusoqarsimassagaluarpoq.

- Aamma tamatuma saniatigut timmisartortartut qasuersaarfissaminnik akunnerpaalunnik qaangiisimapput. Tassa imaanngilaq maleruagassat ajornartorsiutaasut, timmisartortartulliuku maleruagassatik malissimanngikkaat, taama Martin Puggaard naggasiivoq.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER