Skip to main content

1000 koruuni nutaaq naqiterneqaleruttorpoq

1000 koruuni nutaaq qanittukkut saqqummertussaq Danmarkimi ikaartarfissuaq Storebæltsbroen aamma qamuteeraliaq Solvognen assiliartarai

Danskit ilami aamma kalaallit 1000 koruunertaassamik pissarsisussat ikaartarfissuup Storebæltsbroen-ip kiisalu Danmarkimi itsarnitsat tusaamasaanersaata ilaat qamutaasiannguaq Solvognen assiliartai kusarnartut isiginnaarsinnaanngussavaat.

Maajip 24-iani 1000 koruuni nutaaq Nationalbankip saqqummersissavaa, qallunaallu aningaasaataat nutaat ikaartarfinnik itsarnitsanillu nassaanik assiliartallit taamaasillutik nutarterneqarneri naggaserneqarallartussanngorlutik.

- 1000 koruunertaassaq saqqummersuni kingullersaallunilu annersaavoq. Taamaammat Danmarkimi ikaartarfiit ilisarnarnersaat assiliartarissallugu tulluartuuvoq, tassami Storebæltsbroen saqqaani takuneqarsinnaavoq tunuatungaanilu itsarnitsat akimanersaat qamutaasiannguaq Solvognen takussaalluni.

Taama nationalbankimi pisortaq Nils Bernstein tusagassiutinut nalunaarusiamini allappoq.

Aningaasat pappilissat eqqumiitsuliortup Karin Birgitte Lundip Nationalbankip aningaasanik naqititerisarfia suleqatigalugu ilusissalersorsimavaa.

Danskit uagullumi aningaasat nutaat pisinnaanngorpavut, ilaatigut  aningaasaliorlutik peqquserluttartut Nationalbankip inorsartinniassagamigit. Aningaasat pappilissat nutaat isumannaallisaanermut tunngassutilinnik nutaanik peqarput, tassalu ilaarlugit sanajuminaalluinnartunngortinneqarsimallutik.

Ilaatigt aningaasat nutaat mallerpaluusattumik igalaartaasaqarput assiliaararlu hologrammi assigiinngitsunik qalipaatinittartunik peqarilluni.

Maj 2011-imi 1000 koruuni saqqummerneratigut 2009-miilli aningaasanik nutarterineq tassa naammassineqarpoq. 50 koruuni aggustimi 2009-mi siullersaalluni saqqummerpoq, 100 koruunilu oktobarimi 2010-mi saqqummerluni, kiisalu 500 koruuni ukioq manna februarimi saqqummerluni.

1000 koruuninik 1997-imeersunik peqaraanni majip 24-iata kingorna aamma atorneqarsinnaassapput. Aningaasatoqqalli aningaaseriviit aqqutigalugit Nationalbankimut utertiortorneqassapput tassanilu kisinneqariarlutik aserorterneqassallutik.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER