Skip to main content

INI angusarissaarpoq

A/S Inissiaatileqatigiiffik INI aatsaat taama angusarissaartiginerminik saqqummiussivoq selskabi ileqquusumik ataatsimeersuarmat. 

Pingasunngormat maajip 4-aanni A/S Inissiaatileqatigiiffik INI ileqquusumik ataatsimeeersuarpoq aatsaallu taama angusarissaartigisimanerminik saqqummiussilluni.

- Allaffissornermut akiliutip 2010-miit ukiumut 312 koruuninik, tassa 4.836 kr.-iniit 4.524 kr.-inut appartinneqarnera, selskabip ingerlatsinerata aaqqissuuteqqinneranut periusissiorneq katillugit selskabimut 6 millioner koruuninik akeqarsimapput. Taamaakkaluartoq selskabi aatsaat taama angusarissaartigaaq aningaasanik aqutsilluarneq pissutigalugu, siulersuisuni siulittaasoq Erik Nørskov oqarpoq.

Ukioq mannattaaq allaffissornermut akiliut appartinneqassaaq, tamatumuuna 204 koruuninik. Taamaasilluni allaffissornermut akiliut ukiuni kingullerni marlunnit attartukkamut ataatsimut katillugit 516 koruuninik appartinneqarsimavoq.

INI-p siulersuisuisa qullersaassau 2010-mi suliniutigisimasaannut Naalakkersusut qujassuteqarput:

- Inissiaatileqatigiiffiup INI-p ukiumut naatsorsuutai iluarisimaarnarput nuannersuuvorlu selskabip ukiuni kingullerni angusartagai aalajaatsuummata pitsaasuullutillu. Tamatumunnga atatillugu Naalakkersuisunut pingaaruteqarpoq erseqqissassallugu Kalaallit Nunaat aningaasarsiornikkut annertuunik unammilligassaqartoq, tamannalu pissutigalugu kikkut tamarmik, aamma selskabit pisortanit pigineqartut, atugassarisaminnit sapinngisamik annertunerpaamik pissarsinissartik isiginiassagaat. Taamaasilluni atugassarisat peqqissaartumik atorniarneqartassaput, soorluttaaq ingasaassinaveersaarnissaq kinguarsimaarnissarlu inassutigineqartut. Takusinnaavara INI-p tamakkuninnga maligassioraatigut inuiaqatigiinnullu pitsaasumik iluaqutissiilluni. Selskabip aningaasarsiornermi pingaarnerusutut kisitsisaani naatsorsuutaanilu takuneqarsinnaasutut, qularutissaanngilaq selskabip aningaasaqarnera ingerlatsineralu pitsanngorsarniarlugit anguniagalimmik ataavartumillu sulisoqartoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER