Skip to main content

Katittut "iglo"-mi unnuisut

Tuluit katerlaat Hotel Arcticip "iglo"-i nutarteqqammernikut atoqqaarfissiorpaat, taamaasillutillu hollandimiut kunngikkormiui ingiarlugit 

 

Ilulissani Hotel Arcticip "iglo"-ini nutaanik pequsersoqqammersuni nutarteqqammersunilu hollandimiut kunngissaat siullersaalluni unnuisussaagaluarpoq - akunnittarfiup pitsaanerpaamik ussassaarutissaagaluanik. Taamaattoqanngilarli. Akunnittarfiup "Iglo"-isa tallimat piareersarneranni ajornartorsiuteqartoqarsimavoq. Taarsiullugu aappariit Tuluit Nunaanneersut katinnerminni angalasut taakkuani unnueqqaartuupput.

- "Iglo"-t akunnittarfittut isigineqanngillat. Sivisuumilli anguniagarisimavarput ilusilersornerisa pequsersornerisalu pitsaanerulersinnissaat, akunnittarfitsinni ininut sisamanik ullorialinnut naapertuuttunngorlugit, Hotel Arcticip pisortaa Erik Bjerregaard "iglo"-t nutarterneqarnerat pillugu oqarpoq.

Tikeraat ilaatigut "iglo"-ni siniffinni marluuttarissani sinissinnaapput umimmaap amianik tippilinni, tv isiginnaarsinnaallugu ADSL-imillu internettimut attavilersinnaallutik. Tamatuma saniatigut "iglo"-ni nutaaliaaqisunik nipilersuuteqarpoq iPad/Phonemut dockingstationilinnik, tikeraap nipilersukkat nuannarisani naalaarsinnaallugit Kangerlummut alutornartunik ilulialimmut isikkivilerluni.

Naqinneq iglo allaasitoqqameersuuvoq igdlo-mit - allattaaseq nutaaq atorlugu allanneqartartoq illu. Iglo (tuluttut igloo) ullumikkut illuikkianut taaguutigineqartarpoq.

 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER