Skip to main content

Aarluit Polarhavet tiguarpaat

Sikuiuitsoq Avannarleq sikukinnerulermat arfeq qaasuttoq piniarfissarissaarnerulerpoq, taassumalu nanoq tamaani qaasuttutut sunniuteqarnerpaatut inangersinnaavaa 

Ukiuni qulikkaani kingullerni Issittumi aarluit amerleriarujussuarsimapput. Tamakkua nanoq issittumilu miluumasut angisuut allat nungutaanissaannik ulorianartorsiortitseqataapput, taamatut allappoq Politiken, Canadami Manitoba Universitymi ilisimatusarneq nutaaq innersuussutigalugu.

- Aarlerit miluumasullu allat kiannerusumeersut issittumi immanut takkummata tamanna artit akornanni unammillernermik annertunerusumik pilersitsissaaq inuillu naleqqussarnissaannik aamma pisariaqartitsissalluni, biologi Steven Ferguson oqarpoq, taassumalu silap pissusiata allanngoriartornera ilutigalugu aarluit avannarpariartornerat malinnaaffigisimavaa.

Manna tikillugu aarluit issittumiittarsimanngillat, pissutigalugu naparussuisa malussajasut immap sikua sapermassuk. Ukiunili qulikkaani kingullerni aasakkut immap sikua annikillingaatsiarsimavoq.

Qilalukkat qernertat - Sikuiuitsumi Avannarlermiinnaq uumasuusut - uumasut miluumasut ilagaat aarluit tikinnerisigut nerrersunerusigullu ikilisisinneqarsinnaasut. Aamma kigutilissuit qilalukkallu qaqortat angigaluartut sapinngilaat. Immap sikuata annikilliartornera pissutigalugu aarluit piniallaqqissusertik atorlugu, assersuutigalugu arteqatitik attavigalugit piniagartik "ungullugu" piniarsinnaasarpaat.

Aamma nannut mamarilluakkatik - puisit - piniaruminaatsilersinnaavaat tamakkua aamma aarluit piginiagarimmatigit.
Ferguson isumaqarpoq aarluit miluumasunik angisuunik allanik nungusaannginnissaannut aqqutissatuaasoq arferit tamakkua qaasuttut, silassorissut 6 tonsilu angullugu oqimaassuseqalersinnaasut, piniarsinnaalersinnerisigut.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER