Skip to main content

Ilinniagaqartut aalisakkerissapput

Nipisaat suaasa akigissaarnerat pissutigalugu sulisussanik amigaateqartoqarpoq

Nuup borgmestererisimasaata Nikolaj Heinrichip, Siumut, meeqqat atuarfianni atuartut angajulliit illoqarfimmilu ilinniagaqarfippassuarni ilinniartut kajumissaarpai illoqarfiup aalisakkanik suliffissuaqarfiini ikiuuteqqullugit:

- Piffissami matumani kaasarfimmiussanik aningaasarsiornissamut periarfissarissaarpoq!

Aalisartunut piniartunullu nipisaat suaat akigissaarput, tamannalu pissutigalugu aalisartut Nuup avataaneersut aamma tikerarsimapput.

Tunisisoqartarnerujussuali pissutigalugu Nuummi Royal Greenlandip aammalu Romarkip suliffissuani sulisunik amigaateqartoqarpoq. Taamaasilluni suliassanik kinguaattoortoqarpoq, aalisartut piniartullu nipisat suaannik tunisisut nappartanik nutaanik pisinnaanatik, tassa nappartat nipisat suaannut atorneqartut suli imaarneqarsimanngimmata.

- Piffissami nipisat suaannik tunisiffiusumi naatsumi ulapaarfiusumili inuusuttortavut ikiuuttariaqarput, Nikolaj Heinrich oqarpoq, taassumalu tupigusuutigaa Nuummi suliffissaaleqisut amerlassusaat eqqarsaatigalugu suliffissuarmi suliniarlutik qinnuteqartut taama ikitsiginerat.

Aallartinniaritsi
Sisamanngormat ualikkut Kommuneqarfik Sermersuumi kommunalbestyrelsip immikkut ittumik ataatsimiinnerani qullersat peqquneqarput ajornartorsiut kommunip suliffissarsiuussisarfianut ingerlateqqeqqullugu, attaveqarnermullu ingerlatsivik kommunip paasissutissiiffiinut, Nuummi sumiiffinni arlalinni inissinneqartussanut, sulisussarsiorpoq.

Pisortaanerulli Søren Hald Møllerip suliffissuit aamma kajumissaarpai namminneq iliuuseqarniaqqullugit:

- Suliffissuarmi pisortatut sulisussanik amigaateqartuuguma nammineq atuarfiit ilinniagaqarfiillu paasissutississagaluarpakka aningaasarsiornissamut periarfissaqartoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER