Skip to main content

Pinnersaatit ulorianartut inuusuttunit atorneqarput

  Tipigissaatit, nutsanut misutsissutit meeqqallu allaat tallimanik ukiullit kakiortinnertut isikkulinnik pilersorneqartarput, naak tamanna ulorianaraluartoq  

 

 

 

Atuariartunnginermi tipigissarneq, juullertinnagu nutsat misunneri nunanilu kiattuni sulinngiffeqarnermi henna atorlugu kakiortinnertut isikkulimmik pilersornerit.

Tassa meeqqat inuusuttullu nalinginnaasumik atortagaat, naak pinnersaariaatsit pingasut tamarmik sakkortuumik sapigaqalertitsisinnaasut, Politiken taamatut allappoq. 

Avatangiisit pillugit nakkutilliisoqarfimmiit nukappiaqqat niviarsiaqqallu 13-iniit 16-it tikillugit ukiullit 1254-it misissorneqarneranni tamanna paasineqarpoq.

Naliliinernit nalunaarusiaq sisamanngorpat Avatangiisinut ministereqarfik inuusuttut sapigaqartitsilersinnaasunik atuiunnaarnissaannut paasititsiniaalerpat, saqqummersinneqassaaq.

Tamannalu suliassartaqaqaaq.

Apersorneqartut tallimaagaangata ataaseq kisimi tipigissaatinik atugaqartarani oqartoqartarpoq. Arfinillit aperineqaraangata ataaseq aqqanilinnik ukioqarluni suliluunniitmeeraanerulluni nutsani misutseqqaarsimallugit oqartarpoq henna-lu atorlugu kakiortinnertut isikkulimmik pilerneqarsimalluni oqartarluni.

Niviarsiaqqat 40 procentiisa ukiut tamaasa arlaleriarlutik nutsatik misutsittarpaat.

- Tamakkua taama amerlatiginerat aarlerinartoqarpoq, pinnersaatimmi taakkorpiaat sapigaqalersitsinerpaasarput, toqunartut pillugit ilinniagaqarsimasoq, toksikolog Ewa Daniel oqarpoq.

- Tamakkunannga atuilijaaraanni, inuuneq naallugu sapigaqarnermik nappaateqalersinnaaneq aarlerinarnerusarpoq. Siornatigut arnat 70-inik ukioqalereersimasut tipigissaatinik sapigaqalertarput. Ullutsinnili niviarsiaqqat aqqaneq marlunniit 14-it tungaannut ukiullit sapigaqarlereertarput.

Misissuinermi inuusuttut apersorneqartut 30 procentii tipigissaatinik sapigaqarlutik malussartarsimapput. Tassalu sapigaqalersimagaanni inuunerup sinnerani tamanna nappaataasarluni.

Avatangiisinut ministerip Karen Ellemann-ip (V) paasititsiniaanera inuusuttunut sammissaaq, isumaqarporli angajoqqaat meeqqatik sissuernerusariaqaraat.

- Inuusuttuaqqat isikkumikkut misileeqattaartarput, tamannalu inerteqqutiginianngilarput. Kisianni qanoq sunniuteqarsinnaanerinik oqaluttuuttariaqarpagut. Inuusuttut inuunertik naallugu akornutissaminnik nappaateqalertartut ikilisartariaqarpagut, taanna oqarpoq.

 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER