Skip to main content

“Aqqalu” aggustimi takutinneqaqqaassaaq

Filmi Kristian Nygård-ip ilitsersuisutut oqaluttualiortutullu suliaasa siullersaraat. Taanna 2008-mili Nuummi najugaqarpoq, siornatigullu aviisinut allanullu atuagassianut ilanngutassiortarnikuulluni.  

“Aqqalu”, Nuummiinnaq pisuutinneqartoq, ammip qalipaataa aallaavigalugu immikkoortitsinermut, asanninnermut, inuiaqatigiit kalaallitakornanni kinguaariit imminnut ungasinnerannut pinerlunnermullu tunngasuuvoq. 

Filmip taaguutaatut pingaarnertullu inuttaasup misigaa, angajuni qummut isigisani politiinit tigusaasoq sivisujaamillu paarnaarunneqartoq. Tamatuma kingorna ikinngutaasa, Aqqaluup angajumitut kammalaatigiit akornanni siuttutut inissinnissaa piumasarigaluarpaat, tamannali ajornaatsuinnaanngilaq.  

Aqqaluup ataataminut, Nammisornerullutik Oqartussalli pilersinneqaqqaarmata atorfilittaasumut atassuteqarnera assut ajornartorsiornarpoq, nivissamulli Kamilla-mut asanninnermik misigisaqalerluni. Kamilla-li aamma ajornartorsiuteqarpoq, aappariinnerallu unammillernartoqalerluni. Minnerunngitsumik Aqqalu Kina-miullu nunasinikut aaqqiagiinngissuteqalermata.

No-budget film
”Aqqalu”, ’no-budget film’-itut, tassa akikitsuaqqamik Kalaallit Nunaanni illoqarfiit pingaarnersaanni eqqaanilu filmiliarineqarpoq. Immiussinerit 2010-mi januaarimi aallartinneqarput qaammatillu tulliani, maajimi naassineqarnissaat ilimagineqarluni.  

Filmiliornermi Kristian Nygård siullerpaamik ilitsersuisutut oqaluttualiortutullu suliaqarpoq. Taanna 2008--mili Nuummi najugaqarpoq aviisinullu allanullu atuagassianut ilanngutasiortarnikuulluni. Filmimi peqataasut tamarmik isiginnaartitsisartutut ilinniagaqarnikuunngillat akissarsiaqaratillu suleqataallutik. 

Dines Hammeken pingaarnertut inuttaavoq arnatullu pingaarnertut, Kamilla-tut inuttaalluni Rena Christensen. Taakkua Nuummi najugaqarput, filmilioqataanertillu iluaqutigalugu siunissami allanik suliakkerneqartarsinnaanissartik neriuutigalugu.  

Anarqist Films, “Aqqalu”-mik filmiliortitsisuupput, filmillu aggustimi takutinneqaqqaarnisaa ilimagigaat, tusagassiuutinut nalunaarummi atuarneqarsinnaavoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER