Skip to main content

Arnat meeqqallu qimusserrattut

 Qimusseq Sisimiut poorskimi meeqqanik arnanillu qimussimik sukkanniutsitsipput

Qimussimik sukkanniunnerit seqinnarilluni silagissuup ataani qiimanartumik ingerlanneqarput.

 

 

Davidsigne Filemonsen kaffeerniarlunilu kaageerniarfia ukioq manna kingumut ornigarluarneqarpoq, Jacob, Mathias aamma Mikisoq hotdogsinik hunnorujunik tuniniaasut.

 

Meeqqat 16-it assigiinngitsunik pingasunik isorartussusilinni, tassa 300 meterisut isorartutigisumi meeqqat arfineq marluk tungaanut ukiullit ataasiakkaarlutik ataatsimik qimuttoqarlutik, 8 kilometerisut isorartutigisumi meeqqat arfineq pingasuniit aqqanillit tungaannut ukiullit tallimanik qimuttoqarlutik kiisalu isorartunerpaami, 16 kilometerisut isorartutigisumi aqqaneq marlunniit 15-it tikillugit ukiullit arfineq pingasunik qimuttoqarlutik, arfininngormat sukkanniupput.

 

Arfineq marluk tungaannut ukiulinni ataatsimik qimuttoqarluni, Kimmernaq Olsen ajugaavoq.

 

Arfineq pingasuniit aqqanillit tungaannut ukiulinni tallimanik qimuttoqarluni ajugaavoq Hans Peter Jerimiassen.

 

Aqqaneq marlunniit 15-it tungaannut ukiulinni arfineq pingasunik qimuttoqarluni Lars David Mølgaard ajugaavoq.

 

Poorskip arfininngortuani arnat arfineq pingasunik qimuttullit torrallaaqalutik sukkanniuttut angutitaasa aqqaneq marluk isumaalullutik isiginnaarpaat.

 

Arnat sukkanniunnerann i kingumut ukioq manna pinartumik ajoqusertoqanngilaq marlussuit taamaallaat qimmiminnik ilattoorlutik, Haldora Lynge-lu siulliup tulliatut aallaruttorluni qimmeerseraluartoq ikiorneqapallappoq.

 

Arnani arfineq pingasunik qimuttulini Ella Filemonsen ajugaavoq.

 

Ukioq manna sukkanniunnerit arfininngorpat apriilip 30-anni alupaat sukkanniunnerannik naggaserneqassapput, unnukkullu katersortarfimmi nalliuttorsiualaartoqassalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER