ujaasineq
Niviarsiaraq tammaaneqartoq pillugu politiit arlaleriarlutik saaffigineqarput
17-inik ukiulik Bergithe Josefsenimut tunngatillugu Nuummi politiit arlaqanngitsunik saaffigineqarsimapput, taanna politiit ippassarli ualikkut ujaarilerpaat.
- Saaffiginnissutit pissarsiattat ilaat misissuleruttorpagut, Mads Lynge, Nuummi politiinersoq ilisimatitsivoq.
Kangerlussuarmit saaffiginnissut
Niviarsiaraq ujaarineqartoq sapaatip-akunnerata siulianili mittarfiup eqqaani issimasuusinnaasoq, Kangerlussuarmi innuttaasoq isumaqarpoq. 17-inik ukiulimmut politiit nassuiaammut saqqummiussimasaannut taanna tulluarpoq.
- Kangerlussuarmi niviarsiaraq ilisimavarput, kisianni taanna ujaarisarinngikkipput naqissusersinnaavara. Inunnik isumaginnittoqarfik peqatigalugu qanoq ikiorsinnaanerlugu paasinialeruttorparput. Pinerluuteqanngilaq, kisianni illuanik mittarfimmi angalaarujoortussaanngilaq, politiineersoq Sermitsiaq.AG-mut oqarpoq.
Kajumissaasoq
Niviarsiaqqap taassuma ujaarineqartup sumiinneranik ilisimasaqarsorigaanni, politiinut saaffiginnissutiginissaa tamanut kajumissaarutigaa.
Bergithe Josefsenip 17-inik ukiullik isikkua tassaavoq, qernertunik nujalik, angissusaa 150-160 cm, nalinginnaasumillu ilusilik. Qimaanermini qernertumik dunvesteqarpoq, bordeaux tujuuluk, nasaq taartoq kamippaallu atorsimavai.
Aamma atuaruk: Politiit niviarsiaraq 17-nik ukiulik ujaarivaat
Paasissutissat imaluunniit nalunaarutit politiinut oqarasuaat 701448-mut saaffiginnissutigineqarsinnaapput.
Niviarsiaraq immikkut isumannaallisakkamit nakkutigineqarfimminit qimaanera pissutigalugu, inuup toqqoqqatinneqarnera pinerlunnerusoq politiit maluginiaqquaat.