Niviarsiaraq tammaaneqartoq ajunngitsoq nassaarineqarsimavoq
Niviarsiaraq qulinik ukiulik marlunngormat unnukkut Nuummi tammaaneqarpoq. Pingasunngornermi ullup-qeqqata siorna nassaarineqarsimasoq, politiit ilisimatitsipput.
Innuttaasut arlallit politiillu niviarsiaqqamik qulinik ukiulimmik Nuummi ujaasisimapput.
Niviarsiaraq marlunngormat unnukkut nal. 23.15 tammaaneqartoq nalunaarutigineqarpoq, Kalaallit Nunaanni Politiit pigaartuisa pisortaat Malik Sandgreen ilisimatitsivoq.
Pigaartut pisortaata oqaluttuaraa, niviarsiaqqap qanoq isikkoqarneranik angajoqqaat nalunaarutaat malillugu politiit biilerlutik pingasunngornerup ullaassaani niviarsiaqqamik ujaasisimasut.
Politiilli ujaasinerat kinguneqanngitsoorsimavoq, niviarsiararli ullaaq manna innuttaasumit ataatsimit nassaarineqartoq, pigaartut pisortaata ilisimatitsissutigaa.
Niviarsiaraq qulit missaanni nassaarineqarpoq, politiilli niviarsiaraq tammaaneqarnermini sulerisimanersoq oqaatigisinnaanngilaat.
Pigaartulli pisortaata oqaatigaa, pisimasumik misissuinissamut politiit tunngavissaqanngitsut.