Qaqortoq

Niviarsiaraq 18-inik ukiulik periarfeeruttoq

Qaqortumi politiit Gudrun Sanimuinak 18-inik ukiulik suli ujaarivaat, taanna sapaammi 12. november najukkami imerniartarfimmiit "Rockhouse"-miit ingerlasoq kingullermik takuneqarpoq.

18-inik ukiullip Gudrun Sanimuinak, najukkami imerniartarfimmiit "Rockhouse"-miit sapaammi 12. november 02.30 missaani ingerlasoq kingullermik takuneqarsimasoq, ujaarineqarneranut atatillugu innuttaasoq ataaseq politiinut saaffiginnissuteqarsimavoq.

- Saaffiginissut tunngavingalugu paasiniaavugut. Sumiffimmi videokkut nakkutilliissutini immiussarineqarsimasut takusussaavagut, tassani taassuma periarfeerutinnginnerani inuit kikkut ilagisimasinnaanerai paasiniarsarissallutigit, Kujataani politiini politikommissær, Laila Fleischer, Sermitsiaq.AG-mut oqarpoq.

Niviarsiaraq ujaarineqartoq, Gudrun Sanimuinak, 155 cm-isut angissuseqarpoq, tuattuulluni, naatsunik taartunillu nujaqarpoq. Politiit naapertorlugit taanna qorsummik kavaajaqarpoq qarliillu koorpuit tungujortut qaamasut atisarai.

Innuttaasut piffissami 12. novemberimiit ullumikkumut Gudrun-imik takunnissimasut tugasaqarsimasulluunniit politiinut saaffiginneqqullugit qinnuigineqarput, politiit 701122-imut sianerfigineqarsinnaapput imaluunniit nal. 16.00 kingorna sapaatip-akunnerisalu naanerini 701448-imut sianerluni attavigineqarsinnaapput.

Powered by Labrador CMS