Niviarsiaqqamik atornerlueriartoqarsimanera politiit paasiniaaffigaat

Kalaallit Nunaata Politiivi niviarsiaqqap qulinik ukiullip Nuummi illoqarfiup qeqqani, Tuapannguani kinguaassiuutitigut atornerlunneqariaraluarsimanera pillugu nalunaarummik tigusaqarsimapput. Pisoq sakkortooq Tuapannguani inissiaqarfiup 9-p torsuusarsuani sisamanngornermi 29. april, imaluunniit ulloq taanna sioqqutilaarlugu kingoqqutilaarluguluunniit pisimassasoq, politiit ilisimatitsipput.

- Pisumut tunngatillugu ilisimannittuusinnaasut politiit attavigiumavaat. Piffissami tassani suliamut attuumassuteqarsinnaasumik pasinarsinnaasumik maluginiagaqarsimaguit, politiit attavigikkit uunga 701448, Nuummi Politiit tusagassiorfinnut nalunaaruteqarlutik allapput.

Pinerlineqartoq ima isikkoqarneragaavoq:

• Niviarsiaraq, kalaaleq, qulinik ukiulik, nujai taartut tuianut killittut.

Pinerliisoq ima isikkoqarneragaavoq:

• Angut
• Kalaaleq, kujataamiuussagatinneqarpoq.
• Amia simertoq, nujai naatsut, qeeqarpoq.
• Nerinnalaartoq, 170-175 cm missaanni angitigisoq.
• Isaruaqarpoq qernertumillu kavaajaqarluni. Qarliit koorput atorpai tungujortumillu qungasequtaasaqarluni Royal Greenlandimik allannertalimmik, pisumi kiinnaminut assiaqutigisimasaminik.

Tuapannguani inissiani pineqartumi najugaqartut politiinit tallimanngornermi 14. maj nalunaaqutaq 17.00 missaaniit paasiniaaffigineqarlutik apersorneqaqattaassapput.

Nutaarsiassat

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...