soraarummeerneq
Niviarsaraq kanngunarsarneqartoq pillugu suliaq unnerluussisunut ingerlateqqinneqartoq
Meeqqat atuarfiani soraarummeertut eqimattat soraarummeertillutik niviarsiaqqamik kanngunarsaasut unnerluunneqassanersut, unnerluussisussaatitaasut maanna paasinialeruttorpaat.
Annonse
Qilaliarfik sioqqullugu soraarummeertoqarnerani pisoq uippallersitsisoq pillugu suliami politiit misissuinertik naammassivaat.
Niviarsiaraq qilerlugu aalajangerneqartoq
Ukaliusap atuarfiani atuartut arlaqartut niviarsiaraq aalajangerlugu qilerpaat, kingornalu kivileriarlugu assilivaat.
Atuarturt atuarfimmit angerlartinneqarput, niviarsiaqqamullu ataataasup suliaq ingerlaannaq politiinut unnerluutigaa.
Misissuineq naammassisoq
- Politiit misissuinerat naammassereerpoq, maannalu inuk ataaseq arlallilluunniit unnerluunneqarsinnaanersut unnerluussisussaatitaasut nalilersuleruttorpaat, unnerluussisussaatiaasoq Tobias Berg KNR-imut oqarpoq