Niviaq Korneliussen nersornaaserneqarnissamut innersuunneqaqqippoq

Nunat Avannarliit Siunnersuisoqatigiivisa atuakkiornermut nersornaasiineranut Niviaq Korneliussen nersornaaserneqartussatut innersuunneqarpoq. Nersornaasiineq Reykjavikkimi oktobarip 27-ani pissaaq.

Nersornaaserneqartussatut innersuunneqartut nalunaarutigineqaqqammerput.

Nunani avannarlerneersut nersornaaserneqartussatut innersuunneqartuni nunat ilaat marluk innersuunneqarput, Kalaallit Nunaannit, Ålandimit kiisalu saamit ilaannit aamma atuakkiortut ataatsit innersuunneqarlutik.

Kjell Westö kingullermik nersornaaserneqarpoq, taassuma 'Luftspejling 38' atuakkiaraa. Kim Leine danskini kingullermik nersornaaserneqartuuvoq, taassuma atuakkiaa 'Profeterne i Evighedsfjorden' 2013-mi nersornaaserneqaatigaa.

Juaaka Lyberth atuakkiaminik ’Naleqqusseruttortut’ ukioq kingulleq nersornaaserneqartussatut innersuunneqarpoq.

Nunat Avannarliit Siunnersuisooqatigiivisa atuakkiortunut nersornaasiinissarnerat 1962-mi aallartippoq. Ukiut tamaasa tunniunneqartarpoq.

Politikens Litteraturpris 2014-mi nersornaaserneqarsinnaasoq
Niviaq Korneliussenip atuakkiaqqaava 'Homo Sapienne' Politikens Litteraturprisimik nersornaasigassatut piukkunneqartut arfineq-marluk ilagaat. Nersornaasiinerit sapaatiuppat februaarip 22-ani ingerlanneqassapput.

Nersornaaserneqartoq 200.000 koruunink tunineqassaaq.