Niviaq ajugaavoq: Upperaassi
Niviaq Korneliussen atukkiaminut ”Naasuliardarpi” marlunngormat 2021-mi NunatAvannarliit siunnersuisoqatigiivisa atuakkiortunut nersornaasiuttagaanniknersornaaserneqarami inuusuttunut oqalugiaammini kimittuumi taamatut oqarpoq.
Niviaq Korneliussen oqalugiarfimmut sassarami nuannaaqalunilu killitsissimaqaaq, Nunat
avannarliit siunnersuisoqatigiivisa atuakkiortunut nersornaasiuttagaanik Naalakkersuisut
siulittaasuanit Múte B. Egedemit Savalimmiunilu Lagmandimit Bárður á Steig Nielsenimit
tunissuteqartigineqarani, marlunngormat novembarip 2-ani unnukkut Københavnimi
Skuespilhusemi nersornaatinik agguaassinermi toqqaannartumik aallakaatinneqartumi
ilaatigut kunngissakkut tusarnaartut ilaannillutik.
Nersornaasiisoqarmat aqanguani aviisimit Sermitsiamit nersornaaserneqartoq oqaloqatigineqarsimavoq.
Niviaq Korneliussenip nammineq nersornaaserneqarnissani upperisimanngikkaluarpaa
taamaattumillu tupaallassimaqaluni.
Atuakkiortut pikkorilluinnartut unammivakka, taamaattumillu ajugaanissara
naatsorsuutigisimanagu. Taamaattumik aamma tupaallaqaanga oqalunnissaralu
ajornakusoortillugu. Nunat Avannarliit atuakkiortunut nersornaasiuttagaanit
annerusumik pissarsisoqarsinnaanngilaq, Nobelip nersornaasiuttagaa
eqqaassanngikkaanni, taannalu ataasiaannartumik pissarsiarineqarsinnaavoq.
Annertoqaaq, Niviaq Korneliussen pingasunngornermi mobilikkut oqarpoq,
Gyldendalimut tusagassiortunik ataatsimiigiarnermini.
Ukioq ataaseq sinnerlugu matuma siornagut Naasuliardarpi saqqummerpoq,
nersornaaserneqarnerminilu Niviaq Korneliussenip naatsorsuutigissavaa Nunani
avannarlerni aammalumi nunarsuup sinneranit maluginiarneqarnerulissalluni, tamannalu
atuakkiortutut iluaqutigalugu.
Uannulli pingaarnerpaavoq neriuutiginerpaallugulu amerlanerit nunatsinni atuassagaat. Nalunngilara amerlaqisut atuareersimagaat, neriuppungali maannakkut inuusuttut amerlanerusut atuassagaat. Inuusuttullumi aamma oqalugiaatinni saaffigaakka, Niviaq Korneliusseni kimittuumik inersuarmi aammali nunatsinni DR2-mi toqqaannartumik aallakaatitsinermi malinnaasut amerlaqisut qullilisillugit oqarpoq.
Niviaq Korneliussenip apersorneqarsimanera tamaat aamma oqaaseqarnera kalaallisut danskisulluunniit Sermitsiami sapaatip akunnerani matumani saqqummersumi atuakkit. Ugguuna iserfigisinnaavat: