Skip to main content

Niviaq aamma Martin AWGmi ajugaapput

Ajugaasussatut naatsorsuutigineqartut Niviaq Chemnitz Berthelsen aamma Martin Møller -Arctic Circle Racemi ajugaapput

Arctic Circle Race 2012 - nunarsuarmi sisoraatinik oqilaniunnerit sakkortunersaat naammassivoq.

Niviaq Chemnitz Berthelsen arnani ajugaavoq taamaasilluni Kalaallit Nunaata kingumut nunarsuarmi sisorartartut pitsaanersaasa Arctic Circle Racemi nunatsinnit unammillerneqarsinnaanerat. 

Martin Møllerip tupinnaannartumik ingerlaarnermini angutini ingerlaarfik ullunut pingasunut aggugaq, pinerit tamaasa kisimiilluni siulliullunilu ingerlaarfigaa. Ilaminit siulliugaluaqaluni piffissaq tamaat eqqissigani ingerlaartuarsinnarpoq. 

- Arlaannik ajortoqassagaluarpat periarfissaqarniassagama, oqarsimaneragaavoq.  

Aallartunit 139'nit amerlanerit ullut pingasut 160 kilometerimik ingerlaarfissaq aqqusaareerlugu apuuffissamut apuupput. 

Orlunerit, ulortoornerit nukiillu sulivallaarsimasut erseqqissaaqqataapput Arctic Circle Race tassaasoq nunarsuarmi sisoraatinik oqilaniunnerit sakkortunersaat.

Aallartinnermiit pissanganeq aallartippoq, kilometerit arfiniliinnaat ingerlareerluni ajugaasussat akornanni inississinnaasoq Karl-Peter Kristensen ajutooreernerup kingorna uniinnartariaqarpoq. 

Ajutoornerpassuit 
Sapaatip akunnerata naanerani nakorsat peqqissaasullu suliassarpassuaqarput. Amerlanerilli piffinni isumagineqarsinnaasimapput ajutoortut amerlanerit tilluusaqaraluarlutik anniaraluarlutillu apuunnissaq tikillugu peqataallutik. 

Sila nuannersoq issip kiallu akornanniittoq oqilaniuttut imermik nukimmillu atuinerinut qinngasaarivoq. Sumiiffiit ilaanni ajaappiarsortoqarsinnaanngilaq, aput aakkiartortoq itinaarsitsisarluni. 

Artic Circle Race ukioq manna nunanit 15'init peqataaffigineqarpoq, aammaarlugu ersersinneqarluni unammersuarneq nunat tamalaat akornanni ilisimaneqarluartoq.  

Inerneri

Angutit 160 kilometer:

1. 101 Martin Møller, Grønland, total: 10:44:55 timer
2. 164 Jiri Novotny, Tjekkiet, total: 12:18:58 timer
3. 159 Frederik Lundblad, Grønland, total: 12:19:16 timer

Arnat 160 kilometer:
1. 106 Niviaq Chemnitz Berthelsen, Grønland, total: 13:03:25 timer
2. 149 Erika Johansson, Sverige, total: 13:25:49 timer
3. 110 Chantal Lattmann, Schweiz, total: 14:02:46 timer

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER