Skip to main content

Niviaq aamma Martin ACR 2014-imi ajugaapput

2013-imisut Niviaq Chemnitz Berthelsen aamma Martin Møller ukioq manna Arctic Circle Racemi ajugaapput - piffissat atorneqarsimasut inissinnerillu tamaasa takukkit

Martin Møllerip aamma Niviaq Chemnitz Berthelsenip ilimagineqartut naammassivaat ukioq mannalu Arctic Circle Racemi angutini arnanilu ajugaallutik.

Tamanna piviusunngorpoq sapaatiummat oqilaniuttut Sisimiuni apuuffissamut apuummata, unamminerup immikkoortua kingulleq 55,9 km-erinik isortarsussusilik ingerlareerlugu. Ulluni pingasuni unammiffik katillugit 160,3 kilometerinik isorartussuseqarpoq. Taamaasilluni kalaallit sisoraatinik oqilaniutillammattaat siorna ajugaanertik nangeqqippaat, siorna aamma Martin Møller Niviaq Chemnitz Berthelsenilu Arctic Circle Racemi ajugaammata.

Kunngi Martin Møller
Angutini Martin Møller immikkoortuni pingasuni tamani ajugaasarpoq. Tallimanngornermisut arfininngornermisullu Sloveniamiu Klemen Bauer, aamma Sochi-mi OL-imi peqataasimasoq, sapaatiummat oqilaniuttartut Sisimiuni kulturip illorsuata Taserallip saavanut apuummata normu 2-ngorpoq.
Frederik Petersen Ilulissaneersoq unammineq tamaat katillugu normu 3-ngorpoq.

Martin Møller tallimassaa Arctic Circle Racemi ajugaavoq.

Dronningi Niviaq Chemnitz Berthelsen
Arnani Niviaq Chemnitz Berthelsen angutini Martin Møllerimit inornerunngilaq. Aamma taassuma unamminermi immikkoortuni pingasuni tamani ajugaavoq, slovakiamiu Anastasiya Kuzmina, ukioq manna Sochi-mi 2010-milu Vancouver-imi OL-mi kuultinnannikoq, pingajussaa normu 2-ulluni apuuppoq - taamaasilluni katinnerani normu 2-ngorluni.
Leslie Hale USA-meersoq ullut pingajussaa normu 3-ulluni apuuppoq.

Angutini arnanilu 160- aamma 100 kilometerimut oqilaniunnermi angusarissaarnerit 15-it takukkit allaaserisap uuma ataani

Angutini arnanilu 160- aamma 100 kilometerimut oqilaniunnermi angusarissaarnerit 15-it takukkit allaaserisap uuma ataani


 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER