Skip to main content

Nivi Pedersen filmialiaminut tunngatillugu nersornaaserneqartoq

Isiginnaartitsisartoq ilitsersuisorlu Nivi Pedersen arfininngormat Nuuk International Film Festivalimi Innersuarmik nersornaaserneqarpoq.

Nuuk International Film Festival sapaatip akunnerni matumani Katuami Nuummiittumi ingerlanneqarpoq.

Filmiliortartut kattuffiat Film.gl arfininngormat arfineq-pingajussaannik nersornaasiunneqartartumik Innersuarmik tunniussivoq, taannalu Nivi Pedersenip pissarsiaraa.

Film.gl tusagassiorfinnut nalunaaruteqarnermi ilisimatitsivoq.

- Innersuaq inummut ukiuni kingullerni Kalaallit Nunaanni filmiliorsimasuni immikkut ittumik takutitsilluarsimasumut tunniunneqartarpoq.

- Nivip isiginnaartitsisartutut ilitsersuisutullu filmiliullaqqilluinnarnini takutippaa. Taamaammat Film.gl-imi ilaasortat taasimmata qularutigineqarsimanngilaq, Nivi Pedersen 2020-mi Innersuarmik tunineqassasoq, Film.gl allappoq.

Inuk Jørgensen juryprisimik nersornaaserneqartoq

Nivi Pedersenip filmi piviusulersaarut 'Pilluarneq Ersigiunnaarpara' (’Lykken skræmmer mig ikke længere’) ilitsersuisuuffigisimavaa. Filmimmi kinguaassiuutitigut innarliisarneq immikkut sammineqarpoq, 2019-imilu takuteqqaarneqarluni.

Taassuma saniatigut Nivi Pedersen quiasaarusiami ’Ukiutoqqami Pilluaritsi’-mi (’Krudt & kærlighed’) aamma svenskit tv-kkut nangeqattaartuliaanni ’Tynd Is’-imi inuttaasimavoq.

Inuk Jørgensen aamma Innersuarmik nersornaaserneqartussatut innersuunneqarsimavoq, toqqagaananili. Allamilli nersornaaserneqarpoq – tassalu filmiliani piviusulersaarut ’In the shadow of the Tugtupite’ (’I skyggen af tuttupitten’) pillugu ptsaanerpaamik naatsumik filmiliorsimasutut nersornaaserneqarami, Film.gl ilisimatitsivoq.

Inuk Jørgensen Nuuk International Film Festivalip naatsumik filmiliamut pitsaanerpaamut nersornaasiuttagaanik arfininngormat nersornaaserneqarpoq.
Film.gl
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER