Nivi Olsen: Kina akisussaasuunersoq paasineqartariaqarpoq
Niuernermik Ilinniarfimmi atualertussaagaluit aqqaneq marluk marlunngormat nalunaarfigineqarput atualernissaraluat taamaatinneqartoq. Pisumut akisussaasuliisoqartariaqartoq Nivi Olsen ujartuivoq
Nuummi Niuernermik Ilinniarfimmi ilinniarfiit marluk sooq taamaatiinnarneqarsimanersut Demokraatinit Nivi Olsenimit paaserusunneqarpoq.
Tassunga kina akisussaasuunersoq paasiniarlugu Naalakkersuisunut apeqquteqaateqarpoq.
- Isumaqarpugut kina akisussaanersoq paasisariaqartoq. Uangutsinnut malunnarpoq arlaanni arlaani suliassani suliarisimanngikkai tamannalu ilinnialersussanut pisuussuteqanngitsunut kinguneqarnerluppoq, Nivi Olsen apeqquteqarnerminut tunngaviliivoq.
Kina akisussaava
Kinguneqartitsisoqassanersoq aamma apeqqutigaa:
- Naalakkersuisut isumaat naapertorlugu kiap akisussaaffigaa ilinniartut aqqaneq-marluk ilinniarusutaminnik aallartitsisinnaannginnerat aamma Naalakkersuisut isumaat naapertorlugu akisussaasumut akisussaasunulluunniit qanoq kinguneqartitsisoqartariaqarpa?, ilaatigut aperaaq.
Nunat tamat akornanni niuernermik bachelorinngorniarfik aamma Aningaasaqarnermik nukissatigullu sillimmatinik aqutsinermik bachelorinngorniarfik pillugit Isumaqatigiissut sunarpiaq 2017-mi ukiakkut Naalakkersuisut Niuernermillu Ilinniarfiup isumaqatigiissutigisimasaat malinneqarsimanersoq ilanngullugu paaserusuppaa.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...