Skip to main content

Nivi Olsen isornartorsiorneqareerluni: Sallunngilanga

Kultureqarnermut naalakkersuisoq Nivi Olsen Sorlaap siulittaasuanit salluliorneqarnini unitsippaa

Sermitsiaq.AG-mit ippassaq saqqummiunneqarpoq, Meeqqanut inuusuttunullu siunnersuisooqatigiiffiup Sorlaap siulittaasuata Paninnguaq M. Krusep, naalakkersuisoq Nivi Olsen politiinut nalunaarutiginninnerarnera salluliornerusoq.

Atuaruk: Sorlak: Nivi Olsen salluvoq

- Ilumoorpoq, naalakkersuisoq Nivi Olsen radio aviisimi kalaallisut oqarmat: 'Inatsisit malillugit sulisariaqarnerput peqqutigilluinnarlugu aalajangiunneqartariaqarsimavoq politiit aqqusaarneqartariaqassasut'. 

Ilinniartitaanermut, kultureqarnermut, ilageeqarnermullu naalakkersuisoq Nivi Olsen tusagassiuutinut nalunaarummini taama oqaluttuarpoq.

Danskisut oqarneq 'Vi' – tassa uagut – Naalakkersuisoqarfimmut innersuussineruvoq, uanga Naalakkersuisutut qullersaallunga akisussaaffigisannut, taamaattumik suliap qiterisinnaanngilaa politiinut suliassanngortitsineq uannit nammineq imaluunniit Naalakkersuisoqarfimmit isumagineqarsimanersoq, Nivi Olsen oqarpoq.

Suleqatiginnikkumaneq nuannaarutigaa
Naalakkersuisup Nivi Olsenip nuannaarutigaa, Sorlak suleqatiginnikkumalluni oqariartuuteqarnera.

- Nuannaarutigaara atuarakku Sorlak naalakkersuisunik pitsaasumik suleqateqarnissaminut piumassuseqartoq, tamatumunngalu uanga peqataarusuppunga, Nivi Olsen oqarpoq.

Ilinniartitaanermut, ilageeqarnermut, kultureqarnermut naligiissitaanermullu naalakkersuisoqarfiup paasissutissiissutigaa, Sorlammi siulersuisut politiinut suliassanngortimmagit ulloq 11. november 2014, Aningaasanoorutit ilaannit iluanaarutinit agguaassisarneq pillugu Inatsisartut Inatsisaat nr. 10, 10. november 2011-meersumi § 2, imm. 1. nr. 3-mik unioqqutitsisimasutut
 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER