meeqqat inuusuttullu

Nivi Olsen: Angajoqqaat perorsarneqartariaqarput

Meerarpassuit angajoqqaaminnit sumiginnarneqartarput. Taamaattumik angajoqqaanut ilinniarfimmik pilersitsisoqartariaqarpoq: - Angajoqqaanut sanngiitsunut nukittuunullu atorneqassasoq naatsorsuutaavoq. Tamatta ikiorneqarnissatsinnik atorfissaqartitsivugut, Nivi Olsen oqarpoq.

Nivi Olsen
- Naartusut oqarasuaatikkut saaffigineqartassapput angajoqqaatut ilinnialernissaat kaammattuutigineqarluni, Nivi Olsen isumaqarpoq

Pissusilunneq, ataqqinninnginneq naalaannerlu.

Meerarpassuit taamaattuupput, ilinniartitaanermut Naalakkersuisuusimasoq Nivi Olsen isumaqarpoq.

- Misigalugu kipiluttunaqaaq. Pitsaanngitsumik pissusseqarneq meeqqanut inersimasunullu atuarfimmilu ilinniartitsisuinut akornutaasarpoq, oqarpoq.

Atuaruk: Nivi Olsen: Ilinniartitsisunngorniarneq pitsanngorsaavigineqartariaqarpoq

Angajoqqaajulluarnerup suunera
Nivi Olsenip partiiatalu Demokraatit ajornartorsiutip aaqqinnissaanut periarfissat takusinnaavaat, tassalu nuna tamakkerlugu angajoqqaanut ilinniarfimmik pilersitsinikkut, angajoqqaanngortussat angajoqqaajulluarnerup suut ilisarnaatigineraat ilinniarlugu ilaatigut angajoqqaat meeqqamik pissusiginnissaannik ilinniartinissaannut nukittorsarneqarlutik.

- Suna ajornartorsiutaagami?

- Nunatsinni annertuumik perorsaanikkut ajornartorsiuteqarpugut. Tamatta akuerisatsinnik nunatsinni meeqqat qanoq pissusilersornissaannut naatsorsuutigisaqanngilagut. Angajoqqaanut ilinniarfeqalerneratigut qanoq ileqqulersornissamik ataatsimoortunik pilersitsisinnaavugut. Ilaatigut angajoqqaat ulluinnarni ilungersunartunut sakkussaqalersinnaapput ersarinnerusumillu paasillugu angajoqqaajulluarneq suunersoq, Nivi Olsen AG-mut akivoq.

Atuaruk: Nivi Olsen: Atuarfitsialak atuutinngilaq

Allaaserisaq tamaat AG-mi uani sapaatip-akunnerani saqqummertumi atuaruk, taanna ullumikkut pisiniarfimmi pisiarisinnaavat. Aviisi uani aamma pisiarinissaanut periarfissaqarputit:

Powered by Labrador CMS