Saqqummersitsineq

Nive Nielsen: Nutaavimmik immiussilluni angakkuakkatut misiginarpoq

Nuuteeqqap Feet Firstip suliarinera angalanerulluinnarpoq, erinarsortartoq oqaluttuarpoq

Nipitu - musiksommerskole
Nuuteeraq Feet First, Nive Nielsenip saqqummersitaata aapparaa

- Nutaavissuarmik immiussilluni angakkuakkatut ittumik misiginartarpoq. Erinarsuut nutaavik uteqattaarlugu erinarsoqattaannginnerani allatut nipeqartarpoq. Nipilersuutinik aamma taamaappoq. Ilumoorsaarnerusarpoq aammalu sananeqarnerani toqqaannarnerulluni. Taannalu eqqussallugu nuannaraara.

Suliarineqarnera
Taakku oqaatsit atorlugit Nive Nielsenip nipilersortunilu, The Deer Children, nuuteeqqamik nutaamik, Feet First, saqqummersitsinerminut suliarinninnerminut atatillugu taama eqikkaavoq.

Apersorneqarnera gfrock.dk-mi atuarneqarsinnaavoq, tassanilu aamma nuuteeraq nutaaq tusatsiarneqarsinnaavoq.

Nunarsuarmi angalaneq
Nuuteeraq nunarsuarmi angalaartilluni aamma assigiinngitsorpassuarnik suleqateqarluni pinngorsimavoq, minnerunngitsumik rockernerup silarsuaani tusaamaneqartut soorlu Howe Gelb aamma John Parish, siornatigut aamma ilaatigut Patrick Carney The Black Keymeersoq aamma Matt Bauer The Walkmenimeersoq suleqatigisarsimavai.

Aammali najukkamit isumassarsititaasimavoq, tassani niviarsiaqqat marlulissat 12-inik ukiullik Uummanami meeqqat angerlarsimaffianeersut nipilersoqataapput.

Powered by Labrador CMS