Niuertarfeqarfik Sisimiuni inuussutissarsiornikkut siuariarnermik pilersitsissaaq

Illoqarfiup qeqqani niuertarfeqarfimmik pilersitsineq suliffissanik amerlanerusunik pilersitsiffiusinnaavoq illoqarfimmillu uummaarissaalluni. Taamaattoqalissanersoq inuussutissarsiutillit aalajangissavaat, kommunimi pilersaarusiornermi pisortaq oqaluttuarpoq.

Nutaamik niuertarfeqarfiliorneq illoqarfiup qeqqanut iluaqutaassaaq uummaarinnerulissammat. Sisimiullu amerlanernik niuertarfeqalerluni, ilaatigut neriniartarfeqarlunilu ulluinnarnilu nioqqutissanut niuertarfeqarluni. Aamma nutaamik biilinut inissiveqalissaaq, niuertarfiliartunut iliveqarfiliortunullu atorneqarsinnaasumik. Tamanna novembarip 24-ni ni kommunalbestyrelsemi ataatsimiinnermi allassimavoq. Qeqqata Kommunia

Sisimiuni niuartarfeqarfimmik sanasoqarnissaa pillugu kommunimut pilersaarusiamut ilassut naggataarutaasumik akuersissutigineqarpoq Qeqqata Kommuniani kommunalbestyrelsep ataatsimiinnerani. Neriuutaavoq niuertarfeqarfik suliffissanik amerlanerusunik pilersitsissasoq, akileraarutitigut isertitat amerlillutik, illoqarfik uummaarinnerulerluni, biilinut inissiiveqarnermi pissutsit pitsaanerulerlutik illoqarfimmilu niuertarfioreersunut tuniluulluni.

Aviisi Sermitsiaq taama allappoq.

Niuertarfeqarfimmik pilersitsineq Sisimiuni inuussutissarsiornikkut illoqarfimmilu inuunermik nukittorsaataassaaq saniatigullu sumiiffimmi pissutsit iluaquserneqarlutik, Qeqqata Kommuniani Teknikkimut avatangiisinullu suliassaqarfimmi pilersaarusiornermut pisortaq Alexander Beck oqaluttuarpoq.

- Inuussutissarsiornikkut suleqataarusuppugut naapertuuttumik illoqarfimmi siuariarnermik pilersitseqataalluta. Kommunimut pilersaarutit ilassutaanni tigussaasumik takutipparput siuariartorneq ineriartornerlu qanoq pilersissinnaaneripput, taamatulli aamma sumiiffimmi pisariaqartitat attaveqaasersuutillu aaqqiivigalugit. Soorlu napparsimasut peqqissaavimmukarlutillu tassannga anisut atugaat eqqarsaatigalugit. Pilersaarusiortoqaraangat tamanna misissorlugulu isiviniartarparput, taamaalilluni illoqarfimmi pitsaasumik ineriartortoqarluni.

Aviisimi Sermitsiami atuarnerusinnaavutit. Aviisi uani pissarsiariuk:

Powered by Labrador CMS