Niuernermik Ilinniarfimmi soraarummeerlutik naammassisut
Ilinniartut 89-it Niuernermik Ilinniarfik soraarummeersimanermut uppernarsaat tigullugu qimappaat
Juunip 20-anni sisamanngornermi Niuernermik Ilinniarfimmi atuartut 89-it atuarnerminnik naammassinnilluarnertik kingumut qiviarsinnaavaat.
Soraarummeerlutik naammassisunut ulloq immikkuullarissuusoq, ilinniarfik tusagassiuutinut nalunaarummi allappoq.
- Niuernermik Ilinniarfiup ilinniartut 89-it ilinniakkaminnik naammassinnittut tulluusimaarutigaalugit oqaluttuarisinnaavaa, tusagassiuutinut nalunaarummi tamanna oqaatigineqarpoq.
Ilinniartut arlallit nalliuttorsiorluarnerunissamut pissutissaqarput. Tassami ullormi tassani akissarsiat 12-it agguaanneqarput, atuaqatitsialammut, takkuttuaannartumut aamma karakterimut qaffasinnerpaamut.