Niuernermi oqimaaqatigiissummi amigaartoorutit ikinnerusut

Avammut niueruteqarnerit eqqussuinerillu nalimmassarneqareernerisa kingorna nuna 2017-imi 890 million koruunit missaanni amigartooruteqarpoq.

Niuernermi oqimaaqatigiissummi kisitsisit Naatsorsueqqissaartarfiup tallimanngornermi saqqummiussaani allassimapput.

Nammineq aningaasaatinik missigersuusiorneq sungiusimangaanni aningaasat amerlasuupilussuusinnaapput, amigartoorutilli ukiup siulianiit ikinnerunerat nuannaarutissaavoq. 160 million koruunit ikileriaatigineqarsimapput.

Maskiinat assartuutillu

Ingammik nioqqutit avammut niuerutigineqartut nalingat eqqussuinermullu aningaasartuutit “Maskiinat assartuutillu” ataanniittut niuernermi oqimaaqatigiissummi 2016-imut sanillersuunnerani sunniuteqarnerpaasimapput.

2017-imi avammut niuertigineqartut katillugu 3,764 milliard koruuninut naatsorsorneqarsimapput, eqqussuinerillu 890 million koruuninik qaffasinnerullutik tassa ataatsimut katinneri 4,654 milliard koruuniullutik.

Powered by Labrador CMS