niuerneq
Niuernerup oqimaaqatigiissaarnera pitsaasumik takutitsisoq
Ukiup kvartaliini pingasuni naatsorsuutit qiviaraanni, ukiuni tallimani kingullerni niuernermi oqimaaqatigiissut annertuumik pitsanngoriaateqarpoq.
Ukiormanna tunisat pisiallu oqimaaqatigiinnerat, ukiup kvartaliini pingasuni siullerni 272 millionit koruuninik amigartoornermut inissisimapput, tamannalu ukiumut siulianut sanilliullugu 125 millionit koruuninik siuariarneruvoq.
Milliardinik pitsanngoriartoq
Ukiut tallimat 2013-imut uteraanni tunisat pisiallu oqimaaqatigiinnerat 1,414 milliardit koruunimiikkarluarpoq. Ukioq tamaat naatsorsuiffiusimanngikkaluartoq pitsanngoriaataasoq malugineqarsinnaavoq.
Avammut niuernermi 52 millionit koruuninik kinguariartoqarsimasoq kisitsisit tunuliaqutaanni paasinarsivoq, tamannalu ingammik ''Maskiinat assartuutillu avammut tunisat nalingisa qaammatini qulingiluani siullerni annikilleriarsimanerat''.
Eqqussuineq appariartoq
Avammut tunisinermi appariarneq eqqussuinikinnerujussuarmik ilaqarpoq, ukiup siulianut kvartalinut pingasunut sanilliullugu 177 millionit koruuninik ikinnerugamik. ''Ikummatissat punnerusaallu uumaatsunit pisut assigisaallu annikillisimaneri'' appariarnermut pissutaanerpaavoq.
Naatsorsueqqissaartarfiup kisitsisit saqqummiuppai, niuernermi oqimaaqatigiissummi kisitsisit ineriartorneri nassuiarneri mianersuunneqaqquai, kisitsisit ukiumut qaammatit tamaasapineqarnissaata tungaanut.