Skip to main content

Nitter: Timmisartuussinissamik unitsitsiinnaratta immaqa ingasagineqarsinnaavoq

Air Greenlandimi pisortaanerup Jacob Nitter Sørensenip nassuerutigaa, timmisartuutileqatigiiffik tallimanngormat ullumi Kleflavikkimiit Nuummukartusamik unitsitsiinnarnera sukkavallaamik qisuariarnerusoq

Keflavikimiit Nuummut timmisartuussiniaamik unitsitsiinnarnissaq aalajangiunneqarpoq, killeqarfiit nunanit allamiunut matuneqassasut ministeriunerup Mette frederiksenip nalunaarutigimmagu. Peqatigitillugu kaammattuutigineqarpoq, naalagaaffeqatigiinni innuttaasut tamarmik piaarnerpaamik angerlarnissaat.

- Apeqqutaavoq timmisartukkut ilaasut Keflavikkimit tikinniartut qanoq iliuuseqarfigissanerlutigit. Nunamiimmi allameersoq timmisartumi issiatissinnaanngilarput, taamatut uninngatitsinermi qanoq iliortoqassanersoq ilisimanngikkutsigu, Jacob Nitter Sørensen nassuiaavoq, itisilliillunilu nangilluni:

- Mianersornissamik tunngaveqarneq aallaavigalugu aalajangiisoqarpoq, tamannalu tunngavigalugu nunaqqatitsinnik ukkataqarsimanngitsutut isornartorsiorneqassagutta paasisinnaavarput. Tallimanngormalli unnukkut ministeriunerup aalajangiinera qanoq nassataqassanersoq erseqqissumik paasineqanngilaq. Taamaammat ippassaq unnukkut pilersaarutigineqarpoq, nunaqqativut Keflavikimiit København aqqusaarlugu Kalaallit Nunaannukartinneqassasut.

Ullumikkut paasisaqarnerusimavugut

- Tamatuma kingorna, ilaasut Islandimiit qanoq ingerlateqqissinnaanerlugit paasisaqarneruvugut. Taammaat nunaqqatittaq qanoq pitsaanerpaamik angerlartinneqarsinnaanerat sulissutigalugu tamaviaarpugut, Air Greenlandimi pisortaq erseqqissaavoq.

Nunaqqativut pingasunngorpat Keflavikimiit Nuummukartussamut inniminniisinnaanngillat?

- Qularutigineqassanngilaq timmisartuutileqatigiiffittut nunaqqatitta nunanit allanit angerlarnissaat sapinngisaq tamaat isumaginiarsarissangipput. Pingaarnertummi suliassaraarput innuttaasut A-mit B-mut apuunnissaat. Oqaatigisariaqarparali, aningaasatigut illersorneqarsinnaasunik aaqqiissutissarsiortariaqaratta, soorlu ilaasumik ataasiinnarmik ilaasoqarluta Islandimit Nuummut timmisartuussisuussanngikkutta, Jacob Nitter Sørensen nassuiaavoq.

København periarfissaajuaannartoq

Taassuma oqaatigaa, nunaqqatitta sukkulluunniit timmisartorsuaq Københavnimiit aqqutigisinnaagaat, Timmisartorsuaq ingerlaarnissamut mattunneqanngimmat. Oqartussat Kalaallit Nunaata Danmarkillu akornanni aamma Kalaallit Nunaata iluani pisariaqanngitsumik angallasseqqusinngikkaluartut, naalagaaffeqatigiit akornanni innuttaasut ajornanngitsumik angalasinnaapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER