Nitter: Mittarfissuit nutaat atulerpata Air Greenland nukittussaaq
Mittarfissuassaq atulerpat Air Greenland unammilleqatigiinnermi inissisimalluassaaq. Tamanna timmisartuutileqatigiiffiup pisortaanerata Jacob Nitter Sørensenip Nuummi Future Greenland ingerlanneqarnerani oqaatigaa.
Københavnip New Yorkillu akornanni angalanermi Nuuk qeqqani inissisimassaaq, tamannalu timmisartuutileqatigiiffinnut allanut sanillersuullugu Air Greenlandimut iluaqutaassaaq. Mittarfittaassaq naammasseriarpat taama inissisimasoqalissaaq.
- Timmisartuutileqatigiiffinnut allanut sanillersuulluta angallavinni København-Nuuk aamma Nuuk-New York timmisartumi inuttat ataasiinnaat atortassavagu. Inissisimanerput unammilleqatitsinnit anguneqarsinnaanngitsoq atorluarsinnaavarput, Jacob Nitter Sørensen oqarpoq.
Suliffeqarfimmik pisariillisaaneq
Taassuma Air Greenlandip pisariillisarneqarnissaa qilanaarutigisimavaa, taamaaliornikkut angalasut amerlanersaat Atlantikoq qulaallugu toqqaannartumik tikiffissaminnut angallanneqartalernissaat anguneqassammat. Ilulissani Nuummi mittarfittaassat piareerpata nunap iluani angallassinerit 40 procentimik ikilisinneqassapput, tamannalu angalasunut billetsit akikinnerulissapput.
- Billetsit akikinnerulerpata angalasut amerlanerulissapput. Aap, pitsaasumik ineriartorpugut, sulilu amerlanerusunik takornarianik tikittoqartalerneranik kinguneqarsinnaavoq, timmisartuutileqatigiiffiup pisortaanera oqarpoq.
Aporfeqarunnaarneq
- Ullumikkut Københavnip Mittarfianiit aalisakkat 300 tonsit pingaanertut Norgemeersut Savalimmiuneersullu assartorneqartarput. Mittarfissuit atulerpata Kangerlussuaq aporfiujunnaassaaq, Jacob Nitter Sørensen oqarpoq.
Junimi, julimi, augustimi septembarimilu nunanit allaneersut Kalaallit Nunaat angallaviginerusarpaat. Visit Greenlandimilu pisortaaneq Julie Pars peqatigalugu ukioq kaajallallugu takornarissat ulapputigineqartalernissaat anguniarneqarpoq.
- Qaammatit sisamaannaat tunngavingalugit takornarissat aningaasarsiorutigisinnaangilagut, oqaatigineqarpoq.
Allannguisoqassaaq
Julie Parsip erseqqissarpaa, nunarsuarmi inuussutissarsiutini ineriartornerpaaq tassaasoq takornarialerineq, 2025-milu nunarsuaq tamakkerlugu angalasut 1 milliardiunissaat naatsorsuutigineqarpoq.
- Ukioq naallugu takornariartitsisalernissaq anguniarlugu allannguisariaqarpugut. Ukiuunerani immikkuullarissuusinnaavoq. Tamanna Canadami Norgemilu takornariaqarluartarmat ilisimavarput, Visit Greenlandip pisortaanera ooqarpoq.
Jacob Nitter Sørensenip nassuiaatigaa, nunap iluani timmisartuussinerit 40 procentimik ikilisinneqarpata timmisartuussinermi akunnerit 20 procentimik ikileriaateqassasut.
- Kisitsit ernumanartoqarsinnaavoq, timmisartuutileqatigiiffiup pisortaanera.
Politikkikkut apeqqut
- Naggataani Nunatsinni angalasut billetsiisa akiinut atatillugu apeqqut politikkerinit akineqassaaq, Julie Pars ataatsimeersuarnermi peqataasumut akissuteqarpoq.
Læs hele sagen:
-
Uafhængighed fra Danmark vil give afhængighed af USA
-
Qallunaat Nunaat pisariaqartikkunnaarneqarpat USA pisariaqartinneqalissaaq
-
Viljen til selvstændighed vil vokse i takt med udviklingen
-
Suleqatigiitta suleqatigiinnerlu nukittorsarlugu
-
Lad os være partnere og styrke samarbejdet
-
USA-repræsentation er meget vigtig
-
USA-p aallartitaqarnissaa pingaaruteqartupilussuuvoq
-
Air Greenland vil stå stærkt med nye atlantlufthavne
-
USA-p Nuummi aallartitaa ilisaritinneqartoq
-
USAs diplomat i Nuuk præsenteret