Skip to main content

Nitter: Amerika Avannarlermut aqqutit misissorpavut

Air Greenlandimi pisortaanerup Jacob Nitter Sørensenip oqaatigaa, timmisartuutileqatigiiffimmit Amerika Avannarlermut Europamullu aqqutinik nutaanik ammaasoqarsinnaanersoq misissorneqartoq.

Coronamut atatillugu killersuisoqarunnaarpat aamma atlantikoq qulaallugu timmisartunut mittarfissat nutaat atorneqarsinnaanngorlutik piareerapata, Amerika Avannarlermut kiisalu Københavnimuinnaanngitsoq Europamili nunanut allanut aqqutinik nunaat Air Greenlandip atuilersinnaanera avaqqunneqarsinnaanngilaq.

Nunat tamalaat silaannakkut angallassinermi attaveqaataata CAPA-p Jakob Nitter Sørensenimik internetsikkut aperuisimanerani tamanna atuarneqarsinnaavoq.

- Soorunami Amerika Avannarleq eqqarsaatigaarput. Amerika avannarlermiorpassuit Kalaallit Nunaannukarusuttarput, taakkuli Islandi Københavniluunniit aqqutigeqqaarneqartussaasarmata taamaatitsiinnartarput. Tamatuma malitsigisaanik inuppassuit Kalaallit Nunaannukarneq ajorput, Jacob Nitter Sørensen CAPA-mit apersorneqarami oqarpoq.

Timmisartoqarfiit nutaat - periarfissat nutaat

Nuummi Ilulissanilu atlantikoq qulaallugu mittarfissat nutaat eqqarsaatigalugit, timmisartuutileqatigiiffiup periarfissani allanngorniarpai aamma timmisartuutileqatigiiffinnut allanut unammillersinnaanini eqqarsaatigalugu Kalaallit Nunaata periarfissaanik nutaanik misissuilluni, Amerika Avannarleq Europalu pineqartillugit niuerfinnik qanoq annertusaasoqarsinnaanera Air Greenlandip misissuiffiginiarpaa.

- Nuup eqqannguani (Kapisilinni) illuaqqanik nutaanik sanaartornissaq pilersaarutigaarput, tassani arsarnerit isiginnaarsinnaassavatit, sermit iigartartut takusinnassavatit. Najukkami najugallit sikumi aalisartut takusinnaassavatit, illukut takuniarsinnaassavatit, ukioq naallugugu sumiiffimmi ataasiinnarmi soqutiginartorpassuit tamaasa misigissassarsiorfigisinnaassavatit. Tassa takornariarfigissallugu soqutigineqarnerpaasartut ilaat timmisartoqarfiit nutaat atuutilerpata ilaasoqarnerusoqartalernissaa neriuutigineqarpoq, Jacob Nitter Sørensen oqarpoq.

Assartuinermi periarfissat

Timmisartuutileqatigiiffimmi pisortap assartuisarneq siunissami periarfissaqarluarnerarpaa.

- Nunarsuarmi tuniluuttoqarnerani naalakkersuinikkut killilersuutit pissutigalugu nunanut tamalaanut killilerujussuarmik timmisartuussisarpugut. Taamaammat assartuinissamut pisariaqartitsineq tamakkerlugu isumagisinnaasarsimanngilarput, Jacob Nitter Sørensen oqarpoq, nangillunilu:

CAPA pillugu paasissutissat

CAPA 1990-imili Europami, Amerikami Avannarlermi, Asiami Australiamilu silaannakkut angallassisarneq pillugu ilisimatusartut misissueqqissaartartullu attaveqaataannik ineriartortitsisalerpoq.

CAPA-p ilaasortat sapaatip akunneranut 1.000-inik amerlanerusunik nutaarsiassittarpai kiisalu misissueqqissaarsimanernit nalunaarusiat, ilisimatusarsimanermi saqqummiussat aamma suliffeqarfiit ilisarnaataa, timmisartuutileqatigiiffiit timmisartoqarfiillu pillugit paasissutissat allarpassuillu saqqummiuttarlugit.

Pissarsiffik: CAPA

- Aamma isumaqarpunga, siunissami assartuisoqarnerusoqartalernissaa piumasarineqarnerulissasoq. Tamanna ilaatigut pissutaavoq, A330neo-mut useqarsinnaaneruumut aningaasaliisimanitsinnut, isumaqarpungalu 60%-inik useqarsinnaasup siunissamu Nuummukaassisalerneratigut Airbusip toqqaannartumik niuerfinnukartinneqartalerneratigut nukittunerulissalluta, pisortaaneq oqarpoqoq.

Kalaallit Nunaata avataanut assartuineq

Jacob Nitter Sørensenip ilisimatitsissutigaa, ingerlatseqatigiiffimmi Kalaallit Nunaannit avammut assartuisaneq ukkatarineqartoq.

- Soqutiginartut ilaat eqqarsaatigisarput tassaavoq, aalisakkanik nutaanik avammut assartuisarneq, ullumikkummi Kalaallit Nunaanni avammut assartuisoqarpiarneqa ajorpoq. Tamanna killilipilussuarmik ingerlanneqartarpoq, tassa siumuinnaq utimut pinnani assartuisoqartarami. Neriuutigaarput, siunissami niuerfinnut toqqaannartumik assartuisarnermi aalisakkanik assartuisalissalluta. Attaveqaatit nutaat atorneqarsinnaalerpata niuerfik tamanna ineriartulissasoq aamma neriuutigaarput, Jacob Nitter Sørensen oqarpoq.

Videokkut apersuineq tamaat takuuk

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER