Skip to main content

Nipisaat pillugit suliaq: Ataatsimiititaliaq alla sakkortusisamik nipangiussimasussaatinneqartoq

Aalisarnermut Ataatsimiititliaq marlunngormat sakkortusisamik nipangiussimasussaatinneqalersimavoq. Tamanna pivoq nipisattassiissutit pillugit suliami paasissutissat nutaat ataatsimiititaliamut tunniunneqarmata. Siulittaasoqarfiup erseqqissaatigisimavaa suleriaaseq erseqqissuusuoq, oqaatigalugulu ataatsimiititaliat pappialanik pisariaqartinneqartunik tamanik tunineqartussaasut.

Marlunngornermi nipisattassiissutit pillugit suliaq Inatsisartuni apeqqutit aallaavigalugit oqallisigeqqinneqassaaq. Tamanna pissaaq Naalakkersuisut sisamanngormat nalunaaquttap akunnerpassuarni oqallitoqareersoq peqquneqarmata, suliamut atatillugu pappialanik pisariaqartinneqartunik tamanik ataatsimiititalianut tunnissinissamut.

Kim Kielsenip nipisattassiissutinik qaffaanermi peqataasimanera angallatiminullu inuussutissarsiutigalugu aalisartumut attartortitsisimanera pillugu suliami, pappialanik pisariaqartinneqartunik Naalakkersuisut Inatsisartut ataatsimiititaliaannut tunniusserusussimannginnerat isornartorsiorneqarsimavoq.

Sapaatip akunnerani kingullermi sisamanngort Inatsisartut Siulittaasoqarfiata erseqqissaatigaa suleriaaseq erseqqissuusoq, Naalakkersuisullu pappialanik ataatsimiititaliamut tunniussisussaasut.

Paasissutissat oqallinnerup nanginneqannginnerani pissarsiarerusunneqartut

Pappialat pineqartut ataatsimiititaliamit siusinnerusukkut pissarsiarineqarsimanngitsut ilaatigut tassaapput, Kim Kielsenip eqqartuussissuserisuata Namminersorlutillu Oqartussat akornanni oqaloqatigiissimanerannut tunngassuteqartut kiisalu Kim Kielsenip angallamminik attartortitsigami isertitarisimasai pillugit paasissutissat.

Sisamanngormat oqallinnermi illuatungiliuttut Kim Kielsenimut tatiginnikkunnaarnermik taasititsisoqarnissaanik saqqummiussipput, Kukkunersiuinermut Ataatsimiititaliap siulittaasumut sakkortuumik isornartorsiuisimanera aamma suliami paasissutissanik tunniusserusuttoqarusussimannginnera pissutigalugit. Tatiginnikkunnaarnermik taasititsinissaq taasisut 13-14-inik inerneqarneratigut pinngitsoortinneqarpoq. Siumumi ilaaszortat marluk taasinngitsoorput.

Tillie Martinussen Suleqatigiissitsisuneersoq sisamanngornermi ataatsimiinneq aallarnerlugu oqaaseqartartutu oqaaseqassaaq.

Tamanna tunngavigalugu piumasaraa, Inatsisartuni ilaasortat paasissutissanik nutaanik tunineqassasut, suliaq ilisimasat tunngavigalugit suliarineqarluarniassammat.

Paasissutissalli nutaat ataatsimiititalianut agguaanneqartussat, Inatsisartuni ilaasortanut tamanut takutinneqattussaanngillat.

Sakkortutisamik nipangiussimasussaaneq paasissutissanik pissarsinissamut aporfiliisoq

Inatsisartut Sulittaasuata Vivian Motzfeldtip tamanna erseqqissaatigaa. Taassuma oqaatigaa, ataatsimiititaliat suliami matumani sakkortusisamik nipangiussimasussaatitaasut, taamaammallu pappialat Inatsisartuni ilaasortanut allanut tunniunneqarsinnaanngitsut.

Piniarnermut Aalisarnermullu Ataatsimiititaliap suliamut atatillugu pappialat sisamanngormalli pissarsiarisimavai, Sermitsiaq.AG-milli ataatsimiititaliami siulittaasup tullia Aqqaluaq B. Egede oqaaseqaqquneqarmat, taassuma ilisimatitsissutigaa, ataatsimiititaliaq nutaatutu sakkortusisamik nipangiussimasussaatinneqarsimasoq, naak nipangiussimasussaatitaaneq taamaallaat Kukkunersiuinermut Ataatsimiititaliamut aamma Nunanut allanut Isumannaallisaanermullu Ataatsimiititaliamut atuutsinneqartaraluartoq.

Tillie Martinussenip unikkallartoqarnissaa piumasarivaa, Vivian Motzfeldtilu akuersilluni. Inatsisartut Siulittasuata ilisimatitsissutigaa ataatsimiinneq unitsikkallarneqartoq, nagneqqinneqassasorlu ullup-qeqqanut tanneq qulingiluat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER