Nipilersortartoq nersornaatilik Nuuk-Festivalimi appisimaaqataassasoq
Nuummi Akisuanerit Festivalimik aaqqissuisut 4-6 oktoberimi tusarnaartitsinissamut atimik pissaganartumik saqqummiipput
Sapaatip akunnerata siuliani Julie Berthelsen Nuummi Akisuanerit Festival ingerlanneqalerpat peqataanissaa oqaatigineqarpoq. Massakkullu arnamik ataatsimik ilaqqipput, taanna siornatigut Kalaallit Nunaanni tusarnaartitsisimanngilaq.
Peqataasussarlu tassaavoq Karen Marie Aagaard Ørsted Andersen. Taanna kinaanersoq amerlasuunit tupigusuutigineqarsinnaavoq. Taannami taaguuseq MØ ilisimaneqaatigineruaa, taaguulli taanna amerlanerpaanut nalornisitsijunnaassangunarpoq.
Imponerende musikkarriere
Taanna imaannaanngitsumik nipilersornermik ingerlataqarsimavoq arlalinnillu nersornaatisisimalluni.
2013-imi MØ kunngissap nersornaasiuttangaanik nersorneqarpoq aammalu ukioq taanna decemberip qaammataani Gaffamik nersornaasiisoqarnerani marlunnik nersornaatisivoq.
Ukiup tulliani Danish Music Awardsimi arlallinnik nersornaatisivoq: ”Årets nye danske navn”, ”Årets danske udgivelse”, ”Årets danske solist” og ”Årets danske musikvideo”.
Major Lazor peqatigalugu saqqummersitaa ‘Lean On’ youtube-mi takuneqarnerpaat ilagaat aammalu Spotufy-imi allattorsimaffiini qaffasinnerpaatut inissisimalluni, iTunes-imi nunat tamalaat akornanni allattorsimaffiini qaffasinnerpaatut inissisimalluni kiisalu Spotify-mi 700 millioneriarluni tusarnaarneqarsimalluni. Video 2,5 milliardingajannit takuneqarsimasoq ataani takujuk:
https://www.youtube.com/channel/UCMJ5Qf3sOvQpcYiai1Noa3Q
Nipilersoriaaseq soul isumassarsiorfigalugu pop, electronica aamma rhythm´n´blues-iuvoq.
Aammattaaq MØ nunat tamalaat akornanni nuannarineqarluartuuvoq allattorsimaffinnilu qaffasinnerpaat ilaanni inissisimasarluni.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...