Skip to main content

Nipilersortartoq nammineerusuttoq

Simon Lyngep nuusiami aappassaa saqqummersingajalerpaa. Kalaallip erinarsortartup taalliortullu nuusiorfimmut attaveqarunnaarnissaa nuusiamilu namminersuutigilluinnarlugu saqqummersinnissaa qinersimallugu

- Yeah – we made it. Woohoo! 

Simon Lynge majuartarfinni qitaasatsiarpoq ammullu aqqutaa tamaat ajugaasimaarpasilluni talini quleralugit arpalluni.

Inuit Simon Lyngep nuusiaata aappassaanut aningaasaleeqataasimasut tamarmik marsip 16-iani videoliaaqqamik tigusaqarput. Simon Lynge aningaasanik katersuiniariaaseq crowdfunding aqqutigalugu nuusiami aappassaanut 200.000 koruunit missaannik katersisinnaasimanerminik videomi qiimmattaatiginnippoq, nuusiaminut ima qulequtaqartumut: The Absence of Fear.

Ullumikkut qaammatit qulit qaangiunneranni nuusiaq naqinneqareerluni naammassivoq. Simon tusarnaartitsisaqattaarluni angalanissaminut piareersaleruttorpoq nuusiamilu mp3-iinngortinneranik inunnut tapiissuteqarsimasunut nassiussuileruttorluni. Nuusiaa nunatsinni Danmarkimilu apriilip aallaqqaataani tuniniarneqalissaaq.

USA-mi nunatta ilamernga
Simon Lynge kalaallini nipilersortartuni siullersaalluni nuusiaminik nunarsuaq tamakkerlugu saqqummersitsivoq. Kujataani Alluitsumi meeraasimavoq, tassani angutaa nutsigiartartoq Kalaallit Nunaanni tusaamasaq, Karl Lynge, meeqqat angerlarsimaffianni pisortaasimammat. Angajoqqaanili arfineq-pingasunik ukioqarluni avimmata arnani Danmarkimi Holstebromut nooqatigaa. 16-inik ukioqarluni Kalaallit Nunaaliaqqippoq angutini Qaqortumi ukiumi ataatsimik najugaqarfigalugu.

- Kalaallit Nunaanni ukiorpassuarni najugaqarsimanngikkaluarlunga, ukiut taakkuapingaarutilerujussuusimapput. Kalaaliusutut misigisimasorujussuuvunga. Kalaallit Nunaat inuttut kinaassutsinnut pingaarutilerujussuarmik ilaavoq.

Illoqarfeeraq Port Townsend naalagaaffimmi Washingtonimiittoq, Simon Lyngep ilaquttamilu najugaqarfigisaat, Kalaallit Nunaannut arlalippassuartigut eqqaanarnerarpaa.

- Illoqarfik qeqertaasamiippoq qaqqanut isikkiveqarluni kangerloqarlunilu puisilimmik aarlulimmillu alutornartorsuarmillu pinngortitaqarluni. Kikkut tamarmik imminnut ilisarisimapput, uangalu nuliara ernikkalu marluk ilagalugit pisariitsumik eqqissisimasumillu inuuvunga, Simon Lynge oqarpoq.

Allaaserineqartoq tamaat aviisimi Arnanumi atuarneqarsinnaavoq. Arnanut saqqummereerpoq, ataani aamma aviisi pisiarineqarsinnaavoq:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER