Skip to main content

Nipilersornermik Ilinniarfik: Olsenip Aasiaat kisiat ikiorusuppaa

Ilinniartitaanermut Kultureqarnermullu Naalakkersuisoq Peter Olsen Aasiannut ikiuutissalluni piareeqqavoq, nipilersornermilli ilinniarfimmik pilersitsisinnaanermut tunngatillugu illoqarfinnik allanik ikiuinianngilaq.

Doris J. Jensenip paragraf 37 naapertorlugu apeqqutaanut akissummi erseqqissaassutigineqarpoq, kulturikkut illorsuarmik pilersitsinissaq taamalu eqqumiitsuliornermik ingerlatsineq kommunip suliassarigaa, aamma ”Kommunalbestyrelsit namminneerlutik init illuutitigullu tunngavissat allat inissinnissaannut naliliisinnaassasut pilersaarusiorsinnaassasullu Naalakkersuisut tatigigaat, soorlu kulturikkut illorsuarnut tunngatillugu”.

Aasiannulli tunngatillugu Peter Olsen allarluinnarmik anguniagaqarpoq, ilisimatitsissutigaalu Aaasianni nipilersornermik ilinniarfimmik pilersitsisinnaanermut periarfissaqarnersoq misissuitisinermik aallartitsisimalluni.

Politikkikkut pingaartitaq

- Aasianni nipilersornermik ilinniarfimmik pilersitsinissaq politikikkut pingaartitannut ilaavoq, tamannalu - pisariaqassappat - siunissami qaninnermi piviusunngortissallugu kissaatigaara. Taamaammallu Aasianni nipilersornermik ilinniarfimmik pilersitsisoqarsinnaanissaanut periarfissat misissortillugit aallartissimavakka, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Peter Olsen (IA) ilisimatitsivoq.

Erseqqissaassutigaali ”Aasianni nipilersornermik ilinniarfimmik pilersitsisoqarsinnaanissaanut Naalakkersuisut massakkorpiaq aalajangiinissaminnut tunngavissaqanngittut”.

Peter Olsenip ilisimatitsissutigaa, kommunip illorsuarmik sunut tamanut atorneqarsinnaasumik pilersitsinissamik suliniutaa pillugu Naalakkersuisut Kommune Qeqertalimmiit ilisimatitsissummik tigusaqarsimasut.

Qaqortumi meeqqerivik

Doris J. Jensenip aamma paaserusuppaa, kujataani politikkerit ilaasa piumasaqaatigisimasaattut Qaqortumi meeqqerivimmik Naalakkersuisut Kommuni Kujalleq peqatigalugu pilersitsiniarnrsut.

-Meeqqanut, Inuusuttunut, Ilaqutariinnut Inatsisillu Atuutsinneqarnerannut Naalakkersuisoqarfik suli atualinngitsunut suliassaqarfimmut akisussaasuusoq paasissutissiivoq, ulluunerani paaqqinnittarfiup pilersinnissaa pillugu Kommune Kujallermik oqaloqateqarsimanatik. Ulluunerani paaqqinnittarfimmik sananissaq kommunit suliassaraat, Peter Olsen akissuteqaammini ilisimatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER