nipilersorneq

Nipilersoqatigiit marluk Texasimi festivalerujussuarmut peqataalersut

'Small Time Giants' aamma 'Uyarakq og Peand eL' nipilersornikkut pikialaartitsinermut SXSW-mi tusarnaartitsissapput

Uyarakq og Peand eL Austinimi tusarnaartitsissapput

Kalaallit nipilersoqatigiit marluk ataatsikkut SXSW-mi Austinimi Texasimiittumi siullermeerlutik tusarnaartitsissapput. Tusarnaartitsinerit amerlassusaannut tunngatillugu pikialaartitsineq nunarsuarmi annerpaattut nalilerneqartarpoq.

'Small Time Giants' aamma 'Uyarakq og Peand eL' pikialaartitsinermi tusarnaartitsissapput. Siornartigut 'Nive Nielsen and the Deer Children' tusarnaartitsereerpoq.

Nunani Avannarlermiut suliniutaat
Kalaallit nipilersoqatigiit marluk pikialaartitsinermut peqataanerat, nunanit avannarlernit ataatsimut suliniartoqarneranik pissuteqarpoq, NAPA-p, aallartitaasa ilaat. Pikialaartitsinermi Nunanit Avannarlernit ataatsimut ersarinnerulersitsinissaq siunertarineqarpoq.

Atuaruk: Nive nipilersoqatigisartakkanilu USA-mi angalanertik aallartippaat

- Assorsuaq torragaarput SXSW-mi nunat avannarliit annertusisamik saqqumilaarsinnaanngornissaannut alloriarnerit siulliit massakkut pisut nuannaarutigeqaagut, Mads Bjerde, NAPA-mi pisortaq oqarpoq.

Nunanit avannarlerneersunit aamma nipilersoqatigiit Finlandimeersut, Norgemeersut, Danmarkimeersut, Islandimeersut aamma Savalimmiunneersut tusarnaartitsissapput.

SXSW 13.-19. marsimi aappaagu pissaaq.

Powered by Labrador CMS