Skip to main content

Nioqqutissat akii qaffasissut misissorneqassapput

Nerisassat sooq taama akisutiginerisa misissorneqarnissaat politikkikkut siammasissumik isumaqatigiissutigineqarpoq.

Sooruna nioqqutissat taama akisutigisut? Aamma arlaatigut iliuuseqarfigineqarsinnaappat?

Misissuinerup politikkikkut isumaqatigiissutigineqartup tamanna akissutissarsissavaa.

Siumup Inatsisartuni gruppia siunnersuuteqarpoq, ’Nunatsinni nioqqutissat akiisa OECD-imi inuussutissat ulluinnarni atorneqakkajuttut naliginnaasumik akiisa agguaqatigiisinnerinut naleqqiullugu nunatsinni qaffasippallaarujussuarnerisa sumik tunngaveqarnersut misissueqqullugit. Misissuineq innersuussutinik aamma Kalaallit Nunaanni nioqqutissat akiisa qanoq ilillutik appartinneqarnissaannut periusissianik imaqassaaq.’

Nerisassat ingammik Kalaallit Nunaanni nunanut allanut sanilliullugit akisunerupput. Danmarkimut sanilliullutik 36 procentimik akisunerupput. Ulluinnarni nioqqutit ataatsimut isigalugit 6,3 procentimik akisunerullutik.

Siumumi gruppip ilaatigut nunanit allanit, Danmarkimit akikinnerusunit eqqussuilluni akikinnerunersoq misissortikkusuppaat. Tamatuma saniatigut najukkami nioqqutissiorneq misissuiffigineqartariaqartoq, gruppi isumaqarpoq.

- Inuiaqatigiillu suliffeqarfinnik piginnittutut inissisimanerat iluaqutsiullugu nunanut allanut sanilliulluta iluarseeriarnissamut periarfissaginnerpaajulluta suli taamannak allorianngilagut.

Tamatuma saniatigut unammilleqatigiinnermut inatsisit misissoqqissaarneqassapput, unammilleqatigiinneq naammattumik qulakkeerneqarnersoq misissorniarlugu, taamaalillunilu iluanaaruteqartoqarpallaanera pinngitsoortinneqarluni. Allannguutissatut siunnersuut inuussutissarsiornermut aatsitatassanullu ataatsimiititaliap isumaqatigiittup taperserpaa. Naalakkersuisut aamma siunnersuummut tapersiipput, pilersaarut malillugu taanna ullumi Inatsisartuni oqaluuserineqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER