Skip to main content

Nioqqutissanik amigaateqarneq aningaasannannianit iluanaarniutigineqartoq

Nioqqutissanik akitsorterussisoqartarneratigut Avannaani innuttaasut amigaatigisatik akisoorujussuangorlugit pisiarisarpaat, tamannalu ilaatigut Pilersuisup nioqqutissanik tamakkiisumik pilersuisinnaannginneranik peqquteqartoq, Kullorsuarmi nunaqarfiup aqutsisuinut ilaasortaq, Timotheus Petersen (S), isumaqarpoq

Uanitsut qulit Kullorsuarmi 200 koruunilerlugit pisiarineqarput, sodavandillu mikinerit karsi 500 koruuniit sinnerlugit akilerneqarpoq. Taakkuinnaanngillalli – Avannaanimi nunaqarfinni nioqqutissat amigaatineqartut amerlasuut facebookimi tuniniaavitsigut akitsorterussunikkut akisoorujussuanngorlugit tunineqartarput – tamannalu aningaasanik takupallakkusuttut iluanaarniutigisarpaat.

Aviisi Sermitsiaq taama allaaserisaqarpoq.

Decemberimiit maajip naaneranut tungaanut, sikuusarnera pissutigalugu, Pilersuisoq Upernaviup eqqaani nunaqarfinnut imaatigut assartuisinninnaaneq ajorpoq. Piffissami sikoqannginnerani Royal Arctic Linep umiarsuaatai sapaatip-akunneri marluk allortarlugit nioqqutissanik assartuisarpoq.

Margarine siatsissutit qulit uanitsullu Kullorsuarmi akisunerpaamik akiuumasumut tuniniarneqarput.
Privat

Sivisuumik ukiuusarnera pissutigalugu nioqqutissaanik nillataartunik, grønsaginik, chipsinik, sodavandinik allanillu ukioq kaajallallugu pilersuiniarneq Pilersuisumut ajornartorsiutaasarpoq. 

Angalaniarneq ajornakusoorsinnaasartoq

Upernaviup eqqaani nunaqarfinni nioqqutissat pingaarutillit ilaat ilaanneeriarlutik nungussinnaasartut, nunap immikkoortuani Qeqertarsuup Tunuani pisortaq Arne Lyberth Petersen, oqarpoq. Amigaatigineqartulli Upernavimmiit Aasianniilluunniit timmisartukkut tikisinneqarsinnaasartut, taassuma erseqqissaatigaa. Kullorsuarmullu angalaniarnerup ilaatigut silamik pissuteqartumik ajornakusoorsinnaasarnera pissutigalugu, nioqqutissanik pilersuiniarneq ajornartorsiutaasarmat, nioqqutissat amigaatigineqalertarput.

Sullissinissamut isumaqatigiissummi Pilersuisup pisiniarfiutimini tamani nioqqutissat suut pigissanerai isumaqatigiissutaavoq. Isumaqatigiissullu taanna eqquutsinneqartoq,   Pilersuisumi pisortaq Niels Andersen oqarpoq.  

- Nioqqutissat pisariaqartinneqartut piginissaat qulakkeertarparput. Nioqqutissat ulluinnarni pingaarutillit pigivavut, tamakkulu pisiniarfiutitsinni sumiluunniit inissaqartippagut, taanna oqarpoq. 

Tamanna pillugu Sermitsiami paasisaqarnerugit – uani ataani aviisimut isissutissarsigit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER