pilluarit

Nina cd-mik qallunaatuumik saqqummersitsissaaq

Erinarsortartoq Nina Kreutzmann Jørgensen nipilersukkanik qallunaatut taalliarisimasaminik saqqummersitsiniarpoq

Nina Kreutzmann Jørgensenip assinga toqqorsivimmit

Erinarsortartoq Nina Kreutzmann Jørgensen ilisimavarput erinarsuusiaminik kalaallisut sanasartutut.
Ungasissorsuunngitsukkut aamma erinarsugai tusarnersut qallunaatut tusaasinnaalissavagut.
Nutaarsiassaq tamanna nammineq saqqummiuppaa sapaatip akunnerata naanernai Nuummi kulturip illorsuani Katuami Nunat Avannarliit Killiit Ulluinut atatillugu.
- Qallunaatut taalliulerama allaanngilaq silarsuaq nutaarluinnaq uannut ammartoq, Nina Katuami Hans Lyngep Inersuaaraani scenemi tusarnaartitsinermi kingorna oqaluttuarpoq.
Tallimanngormat septembarip 13-ianni tusarnaartitsinermi Nina Kreutzmann Jørgensen siullermeersumik rytmeguitarimik atuilluni nipilersortartoqarluni nammineq qallunaatut erinarsuusiani atorpai.
Sermitsiaq.AG-p bloggertartua Juaaka Lyberth Nina Kreutzmann Jørgensenip tusarnaartitsinera tusarnaariarsimavaa. Tusarnaartitsineq pillugu allagaa atuaruk uani

Powered by Labrador CMS