Aalisarneq
Nikolaj Jeremiassen umiarsuarmik tunitsiviusinnaasumik Kangaatsiamut piumasaqarpoq
Kangaatsiami tunisisinnaajunnaakulaneq Nikolaj Jeremiassenip Naalakkersuisunut ammasumik allagaqarluni isornartorsiorpaa
Kangaatsiami tunisisinnaajunnaartarneq iluarsiivigineqartariaqarpoq.
Nikolaj Jeremiassen (S) taama isumaqarpoq, taanna ammasumik allagaqarluni Kangaatsiami eqqaanilu nunaqarfinni umiarsuarmik tunitsiviusinnaasumik pilersitsisoqarnissaanik piumasaqarpoq.
- Massakkut ilaatigut sapaatip akunneri pingasut angusinnaasarpaat tunisisinnaanatik ajornartorsiutit uteqqiattuartut pissutingalugit, ammasumik taama allagaqarpoq.
Nikolaj Jeremiassenip ukioq piffissami sivikitsumi aalisarnermut naalakkersuisuusup, tamanna ukiorpassuarni ajornartorsiutaasimasoq uparuarpaa.
- Piaarnerpaamik ajornartorsiummik aaqqiisoqassappat ataavartumik umiarsuarmik tunitsiviusinnaasumik pilersitsingasuartartoqartariaqarpoq tunisiniarnikkut ajornar-torsiutit qaangiunnissaasa tungaanut, taanna allappoq.
Aalisartut aalisagarpassuaqaraluartoq tunisisinnaannginnamik maanna aningaasaqarnikkut ajornartorsiortut, taanna allappoq.