Nikolaj Coster-Waldauip nunatsinni angalanera isiginnaartunit nuannarineqarluartoq
'Gennem Grønland - med Nikolaj Coster-Waldau'-ip sapaatip-akunnerata siuliani aallakaateqqaarneqarnerani danskit tv-anni aallakaatitassiani isiginnaarneqarnerpaat ilagaat.
'Gennem Grønland - med Nikolaj Coster-Waldau' sapaatip-akunnerata siuliani DR1-imi pingasunngornermi unnukkut aallakaatinneqaqqaarmat, isiginnaartut 639.00-t isiginnaarput. Kantar Gallupip isiginnaartartunik misissuinerata tamanna takutippaa.
Taamaalilluni sapaatip-akunnerata siuliani danskit tv-anni isiginnaarneqarnerpaat pingajoraat, taamaallaat 'Forsvundne Arvinger'-imit aamma 'Sunket i Jorden'-imit qaangerneqarluni.
Immikkoortumi siullermi Nikolajip Pituffik tikeraarpaa, taassuma angutaa 1980-ikkunni tassani sulivoq. Nannut, kaperlaap, sorsunnersuup nillertup aamma rakettit angutip inuusuttup illoqarfeeqqami Tybjergimi Sjællandimi najugalimmiittumut takorluukkanik aallartitsipput.
Nangeqattaartut aappaat aqagu unnukkut aallakaatinneqassaaq. Tassani Nikolaj sermersuarmi unnuissaaq, tamatumalu saniatigut umimmanniarluni. Kingulleq naatsorsuutigisamit ajornakusoornerusoq, aallakaatitassiap nassuiaataani allaqqavoq.