Nikanarsaanermut akiuiniarneq annertooq aallartinneqarpoq

Atuffassinermik angalaartitsineq nikassaanermik sammisaqartoqm septembarip aallaqqaataani aallartissaaq, Air Greenlandimiillu ikiorneqassalluni.

Meeqqat Ikiortigit atuffassinermik angallassinermik Pajupparamik taasamik suliaqartuupput, taakku nikassaasarnermut Kalaallit Nunaanni annertuumik ajornartorsiutaasumut iliuuseqarnialerunik, timmisartortitseqatigiiffiup sulisuinit ikiorneqasapput.

- Atuffassilluni angalaartitsinissap Air Greenlandimi sulisuusut angalaqatigisarlugit ingerlanne-qarsinnaalernera aaqqiineruvoq pitsaalluinnartoq. Taamatummi pisoqarsinnaalerneratigut angalatitsineq isumannaatsumik ingerlanneqarsinnaalissaaq – najugarisanilu assigiinngitsuni innuttaasut ingerlanniakkami akuliutsinneqartussaapput, tassa angalanerni ataasiakkaani timmisartuni sulisuusut paasissutissiatut naqitalianik ilisarititsillutillu , ilaasut sumiiffissaminnut ingerlaarnissaminni tigummiinnarsinnaasaannik, agguaasisassammata. Assaammi periarfissaqartut tamaasa atorfissaqartippagut, nikanarsaasarneq unissarniassagutsigu, Pajupparamik pilersaarusiornermi pisortaasoq, Malin Corlin, oqarpoq.

Illoqarfinnut 15-inut angalaneq

Atuffassilluni angalaneq septembarip aallaqqaataani aallartissaaq, kingornalu Nuummi inaarutaasumik januaarimi 2020-imi aaqqissuussisoqassaaq. Piffissap tamatuma akornanni illoqarfinni 15-it missaanniittuni atuffassisoqassaaq.

- Nunaarutigaarput Pajuppara nunatsinni timmisartuussinnaagatsigu taamallu Meeqqat Ikiortigit meeqqat inuussuttullu akornanni nikanarsaasarneq akiorniarlugu suliniutaanik tapersersorsinnaallugu. Air Greenlandimiimmi tapersersorusupparput nunarput tamakkerlugu meeqqat nikanarsaanertaqanngitsumik ikinngutigiittut pisarnissaata anguniarnissaa, Malina Abelsen, Air Greenlandimi niuernermut pisortaasoq oqarpoq.

Pisiffik sassaalliuteqartassaaq

Atuffassinermik aaqqissuinerit nuannernerutikkumallugit aamma qaaqquserpalaartinniarlugit, Meeqqat Ikiortigit Pisiffik suleqatiserisimavaa, taanna Kalaallit Nunaanni aaqqissuussinerni tamani sassaalliutinut aningaasaliisuuvoq.

Powered by Labrador CMS